Big Little Lies-ის დასრულებისთანავე დაიწყო საუბარი, განაახლებდა თუ არა HBO შოუს ახალი სეზონით, ამაზე პასუხი არხმა ცოტა ხნის წინ გაგვცა და ოფიციალურად დაადასტურა, რომ სერიალი მეორე სეზონით დაბრუნდება.

"ვესაუბრეთ წიგნის ავტორს, ლიან მორიარტს და მან გვითხრა, რომ ახალ ისტორიაზე ფიქრობს. ყველაფერი მისი შექმნილია, ეს პერსონაჟები, ეს ისტორია, მედელინი, სელესტი, რენატა, მისგან დაიბადნენ და ახლა ყველაფერი მხოლოდ მასზეა დამოკიდებული.", ამბობს რიზი.

როგორც HBO-ს განცხადებაში წერია, სერიალის პროდიუსერები ნიკოლ კიდმანი და რიზ უიზერსპუნი იქნებიან, მათი გმირები კი მეორე სეზონშიც ისტორიის ეპიცენტრში მოექცევიან.

ახალ სეზონთან დაკავშირებით ცნობილია ისიც, რომ მეორე ნაწილის რეჟისორი ანდრეა არნოლდი იქნება, რომელსაც ისეთ პროექტებზე უმუშავია როგორებიცაა - Transparent, I Love Dick და სხვები.

სერიალის ეთერში დაბრუნების ზუსტი თარიღი ჯერ უცნობია, თუმცა შემქმნელებმა გაამხილეს, რომ ძველ პერსონაჟებს ოთხი ახალიც დაემატება და მსახიობებს უკვე ეძებენ.

ახალ პერსონაჟებს შორის ერთ-ერთი მასწავლებელი მიშელ პერკინსი იქნება. აქვე უნდა ითქვას ისიც, რომ ამ მასწავლებელს პრობლემები ექნება ლორა დერნის გმირთან, რენატასთან. ახალ სეზონში გავიცნობთ ბონის მშობლებსაც.

"ჩვენ ვესაუბრეთ ლიან მორიარტს და ვფიქრობთ თუ როგორ შეიძლება გაგრძელდეს ეს ისტორია, რაზე მოხერხდება აქცენტების გაკეთება იმ შემთხვევაში თუ ახალი სეზონი დამტკიცდება. გარკვეული შეთანხმებები უკვე არსებობს, მაგალითად წიგნში ბონის [ზოი კრავიცი] ისტორია კარგად არის გაშლილი და ახალი სეზონის აქცენტები მასზე შეიძლება გაკეთდეს, ასევე იმაზე თუ რას აკეთებს ახლა სელესტი? რას საქმიანობს, როგორ ცხოვრობს, როგორ ცდილობს დაძლიოს ტრავმები და ა.შ.", - ამბობს HBO-ს პროგრამების განყოფილების უფროსმა ქეისი ბლოისი.

მისი აზრით სერიალში აქცენტის გაკეთება ლორა დერნის პერსონაჟზე რენატაზეც შეიძლება.

"წიგნისგან განსხვავებით ჩვენ შოუში ნაკლები დრო დაეთმო რენატას პერსონაჟს და მაყურებელმა ბოლომდე ვერ იგრძნო მისი განცდები, ბოლომდე არ იცის მისი ცხოვრება და ვფიქრობ, ესეც მშვენიერი მასალა იქნება ჩვენთვის", ამატებს ქეისი ბლოისი.

Big Little Lies მეორე სეზონში შვიდი სერია იქნება.