შინაგან საქმეთა სამინისტრომ ხაშურში არასრულწლოვნების განზრახ მკვლელობის მცდელობის ბრალდებით, 1992 წელს დაბადებული პირი დააკავა.

გამოძიება განზრახ მკვლელობის მცდელობის ფაქტზე მიმდინარეობს და 7-დან 15 წლამდე ვადით თავისუფლების აღკვეთას ითვალისწინებს.

გამოძიების ვერსიით, ბრალდებულმა, 14 იანვარს, ხაშურში, ერთ-ერთი რესტორნის მიმდებარე ტერიტორიაზე, ცივი იარაღით დაჭრა 2 არასრულწლოვანი და შემთხვევის ადგილიდან მიიმალა.

შსს-ს ინფორმაციით, დაშავებულებიდან ერთის ჯანმრთელობის მდგომარეობა სტაბილურია, ის საავადმყოფოდან დღეს გამოწერეს და მის სიცოცხლეს საფრთხე არ ემუქრება. ხოლო, მეორე არასრულწლოვანს ჩაუტარდა ოპერაცია, გადაიყვანილია პალატაში და ამჟამად იმყოფება ექიმების ინტენსიური მეთვალყურეობის ქვეშ.