ეროვნულ-დემოკრატიული ინსტიტუტის უახლესი კვლევის თანახმად, კეთილმოწყობასთან დაკავშირებული საკითხებიდან მოსახლეობას ყველაზე მეტად გზები, გარემოს დაბინძურება და წყლით მომარაგება აწუხებს.

გამოკითხულთა დიდი ნაწილი, ასევე, ასახელებს საზოგადოებრივ ტრანსპორტს, საგზაო მოძრაობას, სკოლების კეთილმოწყობას თუ პარკირებას.

ფოტო: NDI

რაც შეეხება თბილისს, დედაქალაქში ყველაზე მნიშვნელოვან პრობლემად, ისევე, როგორც 2015 წელს, დასახელდა გარემოს დაბინძურება. კვლევის თანახმად, გაზრდილია იმ ადამიანთა რიცხვიც, რომლებიც პრობლემებად საგზაო მოძრაობას, პარკირებას, პარკებსა და გამწვანებას ასახელებს.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.