შვეიცარიაში ლობსტერების მომზადების ტრადიციული მეთოდი - ცოცხალი ლობსტერების ადუღებულ წყალში ჩაყრა - აიკრძალა.

ასევე აიკრძალა ცოცხალი ლობსტერების ტრანსპორტირება გაყინული წყლით ან ყინულით. ახალი კანონის თანახმად, წყალქვეშა არსებები მუდმივად ბუნებრივ გარემოში უნდა იყვნენ, მომზადების წინ კი სასიცოცხლო ნიშნებს არ უნდა ამჟღავნებდნენ.

შვეიცარია ერთადერთი ქვეყანა არაა, რომელიც ლობსტერებისადმი ასეთ მოპყრობას უპირისპირდება.

იტალიის უმაღლესმა სასამართლომ ივნისში გამოაცხადა, რომ ცოცხალი ლობსტერები რესტორნებში ყინულზე არ უნდა იყვნენ განთავსებულები, რადგან ეს გაუმართლებელი ტანჯვაა ცოცხალი არსებებისათვის.