ქალაქ თბილისის მერია საახალწლო ღონისძიებებში 2 735 779 ლარს ხარჯავს. ამ თანხის ფარგლებში ყველა ხელშეკრულება პირდაპირი შესყიდვის წესით, ტენდერის გარეშეა გაფორმებული. მერიას მომსახურების ამ სახით შეძენაზე თანხმობა სახელმწიფო შესყიდვების სააგენტომ მისცა.

მერიამ ამ თანხით თბილისში 15 დეკემბრიდან 15 იანვრამდე დაგეგმილი საახალწლო მომსახურებები შეიძლება. გარდა ამისა, ცალკე დაიხარჯა თბილისის საახალწლო განათებებისთვის სამი მილიონი ლარი.

საახალწლო ღონისძიებების საორგანიზაციო თანხები ასე გადანაწილდა:

  • ახალი წლის გალა-კონცერტი - 599 687 ლარი;
  • კოსტიუმირებული მსვლელობა/პერფომანსი - საშობაო ზღაპარი - 88 589 ლარი;
  • დედაენის ბაღის მუსიკალური საკონცერტო პროგრამა - 127 000 ლარი;
  • საახალწლო ღონისძიებები (მათ შორის თბილისის პარლამენტის შენობასთან ნაძვის ხის ანთება) - 185 879 ლარი;
  • საბავშვო და ახალგაზრდული აქტივობები დედაენის ბაღსა და ახალ აღმაშენებელზე - 40 000 ლარი;
  • ალტერნატიული მუსიკის/დიჯეების კონცერტები - 45 000 ლარი;
  • ქალაქგაფორმებითი ღონისძიებები; ახალი წლის ღონისძიებების ტექნიკური უზრუნველყოფა - 1 100 624 ლარი;
  • საზოგადოებისთვის მნიშვნელოვანი ინფორმაციის გავრცელება / ახალი წლის ღონისძიებების მედიამხარდაჭერა - 566 000 ლარი;
  • საახალწლო მისალოცი საჩუქრები - 23 000 ლარი.

ფოტო: ფოტო მერის ბრძანებიდან / On.ge