არნახული ყინვა ამერიკის შეერთებული შტატებისა და კანადის ჩრდილოეთ ნაწილს უკვე დააწვა და 2018 წლის დასაწყისშიც შენარჩუნდება.

BBC-ის ცნობით, შტატ მინესოტაში ტემპერატურა -38,3 გრადუს ცელსიუსამდე დაეცა. ნიუ შემფშირში, რომელიც ცნობილია როგორც ადგილი "მსოფლიოში ყველაზე ცუდი ამინდით" ტემპერატურამ -36,6 გრადუს ცელსიუსს მიაღწია.

კანადის ზოგიერთ ნაწილი ჩრდილოეთ პოლუსზე და მარსზე ცივია.

პენსილვანიის ქალაქ ერიში, სადაც თოვლის სიმაღლე 1,5 მეტრს აღწევს, გზების გასაწმენდად ჯარისკაცები გაგზავნეს. ოფიციალური მონაცემებით, აქ კიდევაა თოვლი მოსალოდნელი.

ქარის გამო, ნიუ ინგლენდში, ნიუ-იორკსა და ფილადელფიაში -17 გრადუს ცელსიუსამდე დაეცემა.

სპეციალისტები ადამიანებს აფრთხილებენ, მოყინვასა და ჰიპოთერმიას უფრთხილდნენ და თბილი ტანსაცმელი ატარონ. ამინის პროგნოზიორების მტკიცებით, კანის ნებისმიერი ღია ზედაპირი შესაძლოა 30 წუთზე ნაკლებ დროში მოიყინოს.

ყინვას ტვიტერზე გამოეხმაურა პრეზიდენტი დონალდ ტრამპიც, რომელიც კლიმატის ცვლილებას არ აღიარებს:

"აღმოსავლეთით შესაძლოა ისტორიაში ყველაზე ცივი ახალი ცლის ღამე იყოს. იქნებ გამოვიყენოთ გლობალური დათბობა, რომლის წინააღმდეგაც ჩვენი ქვეყანა, და არა სხვა ქვეყნები, ტრილიონობით დოლარის გადახდას აპირებდა."

ჩიკაგოში, სიცივისგან 62 წლის კაცი დაიღუპა. CBS-ის ცნობით, ის თავის მანქანაში იპოვეს.

კანზასში მოყინული გზების გამო, ავტოავარიის შედეგად 4 ადამიანი გარდაიცვალა.