თელავში თანასწორობის მოძრაობის ოფისის ფანჯარა ჩაამტვრიეს. ოფისის მენეჯერმა, ნინა ზაზაშვილმა On.ge-ს უთხრა, რომ დღეს დილით, 12 საათზე ნახა, რომ ორი ფანჯრის მინა იყო ჩალეწილი. მისივე თქმით, ის ფანჯარებია ჩამტვრეული, რომლებზეც მოძრაობის პლაკატებია გაკრული.

ზაზაშვილის განმარტებით, ახლა ის და კიდევ ერთი თანამშრომელი დაკითხვაზე იმყოფებიან.

მისივე თქმით, თანასწორობის მოძრაობის ოფისის ფანჯრებზე ამ პლაკატების დანახვის გამო, აქამდე მხოლოდ სიტყვიერი შეურაცხყოფა ყოფილა.

როგორ შინაგან საქმეთა სამინისტროს პრესსამსახურმა On.ge-ს უთხრა, გამოძიება სისლხის სამართლის კოდექსის 187-ე მუხლის 1 ნაწილით მიმდინარეობს, რაც სხვისი ნივთის განადგურებას ან დაზიანებას გულისხმობს, რამაც მნიშვნელოვანი ზიანი გამოიწვია.

ფოტო: ნინო ზაზაშვილი