პრემიერ-მინისტრმა, გიორგი კვირიკაშვილმა მიხეილ სააკაშვილის შესაძლო ექსტრადირებაზე განაცხადა, რომ ასეთი საკითხები პოლიტიკურ დონეზე არ იხილება:

"მე მოვისმინე ძალიან ბევრი სპეკულაცია და კონსპირაციის თეორიები ამ საკითხთან დაკავშირებით. დამერწმუნეთ, რომ ჩვენ ჩვენს პარტნიორ და მეგობარ ქვეყანა უკრაინასთან ძალიან ბევრი საკითხი გვაქვს განსახილველი და ნამდვილად, ასეთი საკითხები პოლიტიკურ დონეზე არ იხილება".

გუშინ, 11 დეკემბერს, კიევის სასამართლომ საქართველოს მესამე პრეზიდენტი და უკრაინის ოპოზიციური პარტიის ლიდერი, მიხეილ სააკაშვილი სასამართლო დარბაზიდან გაათავისუფლა. სასამართლომ პროკურატურის ელექტრონული სამაჯურით შინაპატიმრობის შუამდგომლობა არ დააკმაყოფილა.

უკრაინის პროკურატურა მიხეილ სააკაშვილს სახელმწიფო გადატრიალების მცდელობაში სდებს ბრალს.