პეჩორის სასამართლოსთან, სადაც მიხეილ სააკაშვილის პროცესი მიმდინარეობს, დაკავებულის მხარდამჭერებსა და სამართალდამცავებს შორის დაპირისპირება მოხდა.

სასამართლოს ტერიტორიაზე უშვებენ მხოლოდ ადვოკატებს, პრესისა და ოჯახის წარმომადგენლებს. პროცეს ესწრება იულია ტიმოშენკოც. მხარდამჭერები დარბაზში შეშვებას ითხოვენ. ინციდენტის დროს ვიღაცამ შაშხანა ისროლა.

მიხეილ სააკაშვილის სასამართლო პროცესი ამ წუთებში მიმდინარეობს. მაღალი სახოგადოებრივი ინტერესის გამო, დაცვის მხარე ითხოვს, რომ პროცესი უფრო დიდ დარბაზში გაგრძელდეს.

პროკურორები ოდესის ყოფილი გუბერნატორისთვის ელექტრონული სამაჯურით შინაპატიმრობის შუამდგომლობას დააყენებენ.

9 დეკმებრს მეორედ დაკავების შემდეგ მიხეილ სააკაშვილმა შიმშილობა დაიწყო. დაკავებიდან მეორე დღეს კიევში პეტრო პოროშენკოს იმპიჩმენტისა და სააკაშვილის მხარდასაჭერი მარში გაიმართა.

პირველად კი ის 5 დეკემბერს დააკავეს. 5 დეკემბრის დილიდან გენერალური პროკურატურა და უსაფრთხოების სამსახური, საქართველოს ყოფილი პრეზიდენტის ბინას ჩხრეკდა. ჩხრეკის გამო ის შენობის სახურავზე ავიდა და გადმოხტომით იმუქრებოდა.

სახურავზე ყოფნისას, სააკაშვილი უკრაინის მოსახლეობას მოუწოდებდა, რომ ქუჩაში გამოსულიყო და ამ უსამართლობას წინ აღდგომოდა. ამ მოწოდების შემდეგ, სააკაშვილის ბინასთან მისი მხარდამჭერები შეიკრიბნენ და სპეცრაზმის ავტომობილიდან დაიხსნეს. საქართველოს მესამე პრეზიდენტი 5 დეკემბრის შემდეგ კიევის ცენტრში, კარვების ქალაქში იმყოფებოდა, მასზე კი ძებნა იყო გამოცხადებული.

უკრაინის ხელისუფლების ცნობით, სააკაშვილის ბინაში ჩხრეკა მის მიერ ორგანიზებული მიტინგების წინა ხელისუფების მიერ დაფინანსებას უკავშირდება. სააკაშვილი ბრალდებებს აბსურდულს უწოდებს.