გააზიარე წარმატება - ამ სლოგანით, თიბისი ბანკმა და ჯეოსელმა წლის ყველაზე მასშტაბურ ბიზნესდაჯილდოებას უმასპინძლეს. ბიზნესდაჯილდოება წელს უკვე მეორედ ჩატარდა. მისი მიზანია ხელი შეუწყოს საქართველოში ახალი ბიზნესების შექმნას და მხარი დაუჭიროს არსებული ბიზნეს სივრცის განვითარებას.

კონკურსზე წარდგენილი იყო სხვადასხვა ქართული კომპანა. მათგან 18 ფინალისტი 7 ნომინაციაში შეირჩა. გამარჯვებულები სპეციალურმა ჟიურიმ გამოავლინა. გამონაკლისი მხოლოდ ნომინაცია წლის სტარტაპერი იყო და გამარჯვებული საყოველთაო ხმის მიცემის საშუალებით გამოვლინდა.

გამარჯვებულები არიან:

ბიზნეს დაჯილდოება 2017-ის ფარგლებში, ჯეოსელის ინიციატივით, ახალი სოციალური კამპანია დაიწყო. ამ მიზნით დაჯილდოებას ახალი ნომინაცია - წლის სოციალური საწარმო დაემატა. ჯეოსელმა გამარჯვებულ კომპანია, ეთნო დიზაინი, დაასაჩუქრა - მთელი წლის მანძილზე მათ პოპულარიზაციაზე ჯეოსელის პიარისა და მარკეტინგის ჯგუფი იმუშავებს. ნომინაციის გამარჯვებულს პრიზი პირველმა ლედიმ მაკა ჩიჩუამ გადასცა.

ფოტო: ფოტო: თამუნა გეგიძე

დაჯილდოებას ესწრებოდნენ ეკონომიკისა და მდგრადი განვითარების მინისტრი, დიმიტრი ქუმსიშვილი და სოფლის და მეურნეობის მინისტრი ლევან დათუაშვილი, მათ წლის ქართული პროდუქტის და წლის აგრობიზნესის გამარჯვებულები დააჯილდოეს.

საღამოს გახსნაზე თიბისი ბანკის გენერალურმა დირექტორმა, ვახტანგ ბუცხრიკიძემ აღნიშნა, რომ ეს ღონისძიება მნიშვნელოვანი იყო არა მხოლოდ თიბისი ბანკისთვის, არამედ მთელი საქართველოსთვის. მან ისაუბრა პროექტის განვითარების პროცესზე და საზოგადოებას ამცნო, რომ 2 წლის განმავლობაში ბიზნეს სოციუმში 1 200 კომპანიის გაერთიანება შეძლეს, მათგან 661 კომპანია წელს შეუერთდა პროექტს.

თიბისი ჯგუფის დამფუძნებელმა, მამუკა ხაზარაძემ საღამოს დასასრულს მადლობა გადაუხადა პარტნიორებს და წარმატებები უსურვა ყველა კომპანიას, რომელიც პროექტში მონაწილეობდა. მან აღნიშნა რომ პროექტს გამარჯვებული და დამარცხებული არ ყავდა, რადგან თითოეული მათგანის გამარჯვება პროექტში მონაწილეობა და ქართული ბიზნეს სივრცის წინსვლისთვის გაერთიანება იყო.