განვითარებისა და დეომკრატიის ცენტრის (CDD) ინფორმაციით, მაღალი იერარქიის სასულიერო პირები ვაშინგტონში ვიზიტით იმყოფებიან. ისინი აშშ-ში გამართულ საერთაშორისო კონფერენციაში მიიღებენ მონაწილეობა, რომლის მთავარი თემები რელიგიის როლი დემოკრატიაში და ანტიდასავლური პროპაგანდაარის.

ვიზიტის პირველ დღეს დელეგაციის წევრებმა ღირშესანიშნაობები მოინახულეს. ისინი ეწვივნენ კაპიტოლიუმს, ვაშინგტონის მონუმენტსა და ლინკოლნის მემორიალს. ცენტრის ინიციატივითა და ორგანიზებით ვიზიტი 24 ნოემბერს დაიწყო და 29 ნოემბერის ჩათვლით გაგრძელდება.

ფოტო: განვითარებისა და დემოკრატიის ცენტრი

პროექტს CDD-ი საქართველოში დიდი ბრიტანეთის საელჩოს ფინანსური მხარდაჭერით ახორციელებს. შემსწავლელი ვიზიტისა და საერთაშორისო ინტერ-რელიგიური კონფერენციის მხარდამჭერები არიან: NED-ი (ნაციონალური ფონდი დემოკრატიისთვის), აშშ-ში საქართველოს საელჩოსო, საქართველოში აშშ-ის საელჩო, ევროპულ და ევროალტანტიკურ სტრუქტურებში ინტეგრაციის საკითხებში სახელმწიფო მინისტრის აპარატი და ნატოსა და ევროკავშირის შესახებ საინფორმაციო ცენტრი.