"ტურიზმის დეპარტამენტს არავითარი უფლება არ გააჩნია, რომ რომელიმე სასტუმროს ფუნქციონირება შევაჩეროთ", - ამის შესახებ აჭარის ტურიზმისა და კურორტების დეპარტამენტის თავმჯდომარე სულხან ღლონდი აჭარის ტელევიზიას ესაუბრა.

ღლონტის თქმით, სასტუმრო ლეოგრანდმა 2017 წელს ვერ დააკმაყოფილა კრიტერიუმები და არ მიენიჭა რეკომენდებულია ტურიზმის დეპარტამენტის მიერ ხარისხის ნიშანი:

"ლეოგრანტი იყო 5-ვარსკვლავიანი სასტუმრო, ძალიან მნიშვნელოვანი ობიექტი ტურიზმის კუთხით. ჩვენ ერთადერთი რაც შეგვეძლო იყო, რომ არ მიგვენიჭებინა მისთვის რეკომენდებულია ტურიზმის დეპარტამენტის მიერ 2017-2018 წლებისთვის. ეს არის ერთადერთი უფელბა, რომელიც აჭარის ტურიზმის დეპარტამენტს ჰქონდა."

ბათუმში, სასტუმრო ლეოგრანდში ხანძრის შედეგად 11 ადამიანი დაიღუპა, 19 კი - დაშავდა. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე სასტუმროს თანამშრომლები. შს მინისტრის, გიორგი გახარიას განცხადებით, სასტუმროს შენობაში სახანძრო ნორმები და მოთხოვნები დარღვეული იყო. გამოძიება სახანძრო უსაფრთხოების წესის დარღვევის მუხლით მიმდინარეობს.