შინაგან საქმეთა მინისტრმა გიორგი გახარიამ, გუშინ, 22 ნოემბერს, ისანში ჩატარებულ სპეცოპერაციასთან დაკავშირებით ჟურნალისტების კითხვებს უპასუხა და თქვა, რომ გამოძების დასრულებამდე არავის აქვს ინტერპრეტაციების გაკეთების უფლება:

"დღეს უკვე არის გამოძიებზე მშვიდად მუშაობის დრო. რა თქმა უნდა, შეგვიძლია, ვიმსჯელოთ ყველაფერზე, მაგრამ სანამ არ დასრულდება გამოძიება და ექსპერტიზების ის ეტაპები, რომელიც აუცილებელია კონკრეტულ მსჯელობაზე, ჯობია თავი შევიკავოთ".

21-22 ნოემბრის სპეცოპერაციის შედეგად, დაიღუპა ერთი სპეცრაზმელი და დაჭრილია ოთხი სამართალდამცავი. სახელმწიფო უსაფრთხოების სამსახურის ცნობით, ლიკვიდირებულია დანაშაულებრივი ჯგუფის სამი წევრი.

სპეცოპერაციის გამო მიმდებარე ტერიტორიიდან ევაკუირებული იყო მოსახლეობა, სკოლასა და სამ ბაღში კი სასწავლო პროცესი შეწყდა. სპეცოპერაციის შესახებ არაერთი მნიშვნელოვანი დეტალი და გარემოება ამ დრომდე უცნობია.

გაიგეთ მეტი: რა ვიცით და რა არ ვიცით ისნის სპეცოპერაციის შესახებ