თბილისის მერიის ცნობით, 25 ივნისის 00:00 საათიდან 26 ივნისის 18:00 საათამდე, საგზაო სამუშაოების გამო, პუშკინის ქუჩაზე ტრანსპორტის მოძრაობა შეიზღუდება.

ტრანსპორტის საქალაქო სამსახურის ინფორმაციით, ბარათაშვილის ქუჩიდან რუსთაველის გამზირისა და კოსტავას ქუჩის მიმართულებით მოძრავი საზოგადოებრივი ტრანსპორტი მტკვრის მარჯვენა სანაპიროსა და ელბაქიძის დაღმართის გავლით იმოძრავებს.