ორი არაჩვეულებრივი მსახიობი და მეგობარი - ჯენიფერ ლოურენსი და ემა სტოუნი საიდუმლო პროექტზე მუშაობენ, რომლის შესახებაც ჯერ-ჯერობით არაფერს ამბობენ.

"ძალიან მომწონს ის, რაზეც ვმუშობთ და ახლა ვაკეთებთ. საოცრად მომწონს ჯენიფერთან მუშაობა და მასთან ერთად ჩვენი ახალი პროექტის შესახებ საუბარი. უამრავი იდეა გვაქვს. სიამოვნებით გეტყოდით, მაგრამ ეს საიდუმლოა და მე კარგი მესაიდუმლე ვარ", - ამბობს ემა სტოუნი.

საუბრის დროს ჯენიფერ ლოურენსმა ისიც გაამხილა, რომ წლების წინ ემა სტოუნმა მას როლი წაართვა.

"ჩვენ ხშირად დავდიოდით ერთსა და იმავე კასტინგზე, მაგალითად მე ვიყავი Easy A-ს გასაუბრებაზე მისული, საშინლად მინდოდა ეს როლი, მაგრამ ემამ როლი წამართვა, ის ნამდვილი მესაკუთრეა", - იხუმრა ლოურენსმა.

როგორც მსახიობები ამბობენ, ისინი ხშირად წერენ ერთმანეთ სხვადასხვა კასტინგების შესახებ.

"ხშირად ვწერთ ერთმანეთს, ვაგებინებთ ახალი კასტინგების შესახებ და ძირითადად ერთი და იგივე როლის თამაში გვინდება. ძალიან სასაცილოა, როდესაც ერთი გამოდის გასაუბრებიდან და იქ მეორე ხვდება", - ყვება სტოუნი.