„ვენდის“ ქართულმა რესტორნებმა საერთაშორისო „ვენდისგან“ Dave’s Way სერტიფიკატი - ხარისხის ყველაზე მაღალი ჯილდო მიიღო. ეს ჯილდო საკვების უსაფრთხოების, ხარისხის კონტროლის დახვეწილი სისტემის, გემოვნური თვისებების, სწრაფი მომსახურებისა და სისუფთავისთვის გაიცემა. Dave’s Way ხარისხის სერტიფიკატი შეფასების სხვადასხვა სისტემებთან ერთად, მომხმარებლის უმაღლეს შეფასებას ეყრდნობა.

დაჯილდოების ცერემონიალი სიმბოლურად მნიშვნელოვან დღეს დაემთხვა. ორი წლის წინ, ზუსტად 15 ნოემებრს, თბილისში, 26 მაისის მოედანზე მსოფლიოში ყველაზე დიდი ვენდისი გაიხსნა. ამავე დღეს, 48 წლის წინ, ოჰაიოში პირველი ვენდისის რესტორანი გაიხსნა.

იუბილეს აღნიშვნაში მონაწილეობა მიიღეს ვენდისის საერთაშორისო ვიცე-პრეზიდენტმა ჯონ პეინმა, ვენდისის საერთაშორისო საოპერაციო დირექტორმა გაბორ ჰავარმა, საერთაშორისო განვითარების დირექტორმა დარილ ბაერერმა, ვენდისის საერთაშორისო ფინანსურმა დირექტორმა ბრენდონ გუტრიემ და ვენდისის საერთაშორისო მარკეტინგის მენეჯერმა სოფო ჩოგოვაძემ.

ვენდისის იუბილეზე წლის გამორჩეული თანამშრომლები სიმბოლური საჩუქრებით დაჯილდოვდნენ, რომლებსაც სასაჩუქრე ბარათებიც გადაეცათ.

ფოტო: Wendy's

ვენდისის საერთაშორისო საოპერაციო დირექტორმა გაბორ ჰავარმა Dave's way-ის სერტიფიკატის მნიშვნელობაზე ისაუბრა და ქართულ ვენდისს ჯილდოს მოპოვება მიულოცა.

„Dave’s Way ხარისხის სერტიფიკატით ჯილდოვდება რესტორნები, რომლებიც „ვენდის“ მთელს საერთაშორისო ქსელში გამოირჩევა საკვების უსაფრთხოებით, საუკეთესო ხარისხით, უმაღლესი კლასის მომსახურებით და მეგობრული გარემოთი. შესაბამისად, ჩვენ ვულოცავთ ქართულ „ვენდის“ ამ ღირსეულ ჯილდოს" - ამბობს გაბორ ჰავარი.

ფოტო: Wendy's

„ვისოლ ჯგუფის“ პრეზიდენტის, სოსო ფხაკაძის თქმით, ვენდისისთვის ხარისხი მთავარი პრიორიტეტია და მის გაუმჯობესებაზე უამრავი ადამიანი მუშაობს.

„ვისოლ ჯგუფისთვის, ისევე როგორც ვენდისთვის, ყველაზე მნიშვნელოვანი საკვების უმაღლესი ხარისხი, მისი უსაფრთხოება, მომსახურების გამორჩეული სტანდარტი და საერთო კორპორაციული სოციალური პასუხისმგებლობის ღირებულებებია. ჩვენ მუდმივად ვცდილობთ დავიცვათ ჩვენი მოტო, რომ „ხარისხი ჩვენი რეცეპტია“. შესაბამისად, Dave’s Way ხარისხის ჯილდო ჩვენი ძალისხმევის ყველაზე საუკეთესო აღიარებაა.“ -აცხადებს სოსო ფხაკაძე.

შეგახსენებთ, რომ ვენდისის ამერიკული რესტორნების ქსელის გახსნისა და განვითარების ექსკლუზიური უფლება საქართველოსა და აზერბაიჯანში ვისოლ ჯფუფმა 2012 წელს მოიპოვა და ამ დროისთვის მთელი საქართველოს მასშტაბით რვა რესტორანს ფლობს.