ქონების გადასახადის 40 000-ლარიანი ზღვარი 100 000 ლარამდე იზრდება. ამის შესახებ უმრავლესობის ლიდერმა ირაკლი კირცხალიამ განაცხადა. როგორც მან აღნიშნა, ცვლილების შედეგად ქონების გადასახადის გადახდის ვალდებულება დაახლოებით 81 000 მოქალაქეს მოეხსნება.

„ფინანსთა სამინისტროსთან აქტიურ კოორდინაციაში მივიღეთ გადაწყვეტილება, რომელიც დაჩქარებული წესით იქნება დამტკიცებული, რომ ზღვარი 40 000-დან 100 000 ლარამდე [გაიზარდოს]. 40 000-ლარიანი ზღვარი საერთოდ გაუქმდება. ქონების გადასახადი მხოლოდ 100 000 ლარზე და ზემოთ შემოსავლიან მოქალაქეებზე შენარჩუნდება. ამით ქონების გადასახადის 81 000 პირს გაუუქმდება“,- განაცხადა კირცხალიამ.

ცნობისთვის, ქონების გადასახადის ზღვარის გაზრდასთან დაკავშირებით ხელისუფლების წარმომადგენლებმა რამდენიმე კვირის წინ დააანონსეს. დაახლოებით ორი კვირის წინ კი, პარლამენტში ფინანსთა მინისტრის მოადგილემ, გიორგი კაკაურიძემ განაცხადა, რომ ფიზიკური პირების ქონების გადასახადის ზღვრის შეცვლასთან დაკავშირებით გადაწყვეტილებას უახლოეს მომავალში მიიღებდნენ. როგორც მოსალოდნელია, ახალი ზღვარი მიმდინარე წლის ნოემბრამდე ამოქმედდება, რაც იმას ნიშნავს, რომ წელს მათ, ვისაც 40 000-ლარიანი ზღვრის პერიოდში უწევდათ ქონების გადასახადის გადახდა, აღარ მოუწევთ,