კევინ სპეისის სექსუალურ შევიწროებაში კიდევ ერთი კაცი ადანაშაულებს. ერთ-ერთი რეჟისორი ტონი მონტანაა, მეორემ კი საკუთარი ვინაობის გამხელა არ ისურვა.

რეჟისორი ტონი მონტანას ამბობს, რომ კევინს ის 2003 წელს ლოს-ანჯელესის ერთ-ერთ ბარში შეხვდა. იქვე აღნიშნა, რომ ამ ინციდენტის გამო მას ექვსი თვის განმავლობაში პოსტტრავმული სტრესი ჰქონდა.

"კევინი ნასვამი იყო, ის მომიახლოვდა და ხელი მომჭიდა, მეუბნებოდა, რომ მასთან ერთად წავსულიყავი და შემდეგ ხელი ჩემს პენისს მოჰკიდა", - ყვება რეჟისორი.

მონტანას თქმით, ის სპეისისგან თავის დაღწევას შეეცადა, თუმცა მსახიობი მას უკან გაჰყვა.

"კევინს ხელი ვკარი და ერთ-ერთი მეგობარი ვუთხარი, აჯობებდა, თუ მათი მეგობარი სახლში წავიდოდა", - ყვება მონტანა.

ამავდროულად, BBC დღეს კიდევ ერთ ამბავს აქვეყნებს, ამ ისტორიის მსხვერპლი 1980-იან წლებში მომხდარი ინციდენტს იხსენებს, თუმცა საკუთარ სახელს არ ასაჯაროებს.

სავარაუდო მსხვერპლის თქმით, ის 16 წლის იყო, როდესაც სპეისის შეხვდა.

"კევინმა ნიუ-იორკში, საკუთარ სახლში დაპატიჟა, ბევრ თემაზე ვისაუბრეთ, მოგვიანებით კი ცხადი გახდა, რომ სპეისი ჩემთან მიმართებაში სულ სხვა რამით იყო დაინტერესებული", - ამბობს რესპონდენტი.

ბიჭი ყვება, რომ სპეისიმ მას ერთ საწოლში დაძინება შესთავაზა, თუმცა მან დივანზე დაწოლა გადაწყვიტა, გაღვიძებულმა კი დაინახა, რომ სპეისის მის მუცელზე ედო თავი და მხოლოდ საცვლები ეცვა.

შეგახსენებთ, რომ მსახიობმა და მუსიკოსმა ენტონი რეპმა კევინ სპეისის სექსუალურ შევიწროებაში დასდო ბრალი. მსახიობის თქმით, ეს შემთხვევა 1986 წელს მოხდა, როცა ის 14, ხოლო კევინ სპეისი კი 26 წლის იყო. ბრალდების შემდეგ ოსკაროსანმა მსახიობმა თავის ტვიტერზე დაწერა, რომ ამ შემთხვევის შესახებ არაფერი ახსოვს, თუმცა ბოდიში მაინც მოიხადა. ამავე განცხადებაში სპეისმა ქამინგ აუთი გააკეთა და თქვა, რომ გეია.

ამ ამბის შემდეგ, საერთაშორისო სატელევიზიო აკადემიამ ოფიციალური განცხადება გაავრცელა, სადაც ამბობდნენ, რომ დაგეგმილი ღონისძიება, რომელზეც კევინ სპეისის საპატიო ემის გადასცემდნენ, აღარ გაიმართება.