თინათინ ბერძენიშვილი საზოგადოებრივი მაუწყებლის გენერალური დირექტორის თანამდებობის დასაკავებლად გამოცხადებული ღია კონკურსის ერთადერთი მონაწილეა. მას "პირველი არხის" დირექტორობა მეორე ვადითაც სურს.

"მედიაჩეკერის" ცნობით, თინათინ ბერძენიშვილის შემდეგ ტურში გადასვლას მხარი დღევანდელ სხდომაზე მყოფი სამეურვეო საბჭოს 9 წევრიდან რვამ დაუჭირა. მეორე ეტაპზე, რომელიც 29 ივლისს ჩატარდება, თინათინ ბერძენიშვილთან გასაუბრება გაიმართება. მან საზოგადოებრივი მაუწყებლის მართვის ხედვაც უნდა წარადგინოს. სამეურვეო საბჭო "პირველი არხის" გენერალურ დირექტორს ამავე დღეს აირჩევს.

თინათინ ბერძენიშვილს 6-წლიანი უფლებამოსილების ვადა სექტემბერში ეწურება. 2026 წლის 1 იანვრიდან ბერძენიშვილი შრომის ანაზღაურება ხელზე ასაღები 15 000 ლარია.