პარლამენტის ადამიანის უფლებათა კომიტეტის თავმჯდომარე, სოფო კილაძე მიიჩნევს, რომ კარგი იქნება, თუ დაკავების დროს გარდაცვლილი კაცის საქმეზე პოლიციის სამხრე კამერით გადაღებული ვიდეო გასაჯაროვდება:

"ალბათ, ყველაზე მართებული იქნება, რომ საზოგადოებამ თავისი თვალით ნახოს, რა მოხდა იმ დღეს."

სოფო კილაძემ ტვ პირველის ეთერში თქვა, რომ მისი ინფორმაციით, გარდაცველების დროს ახალგაზრდას ბორკილები არ ჰქონდა გაკეთებული და ის მოსაზრებაც არასწორია, თითქოს კაცი პოლიციას ჩააკვდა.

კილაძე ამბობს, რომ მტკიცებით ფორმაში განცხადებების გაკეთებისგან თავს იკავებს და სხვებსაც იმავეს მოუწოდებს:

"უფრო მეტად ფრთხილად მოეკიდონ ადამიანის ულებებს და მათ შორის, უდანაშაულობის პრეზუმფციას, რომელიც ყველა ადამიანზე თანაბრად ვრცელდება."

სოფო კილაძის ინფორმაციით, პოლიციამაც მიმართა 112-ს და გამოძახეს სასწრაფო დახმარების მანქანა. თუმცა თვითმხილველები ჟურნალისტებთან ყვებიან, რომ სასწრაფოს მათ გამოუძახეს.

საქმე ეხება 25 ოქტომბერს მომხდარ ინციდენტს, როდესაც, შსს-ს ცნობით, ადმინისტრაციული წესით დაკავების დროს, კაცი "უეცრად შეუძლოდ გახდა და გარდაიცვალა". საქმეზე გამოძიებას საქართველოს მთავარი პროკურატურა 116-ე მუხლით აწარმოებს, რაც გაუფრთხილებლობით სიცოცხლის მოსპობას გულისხმობს.