თბილისის ახლადარჩეული მერი კახა კალაძე პრეზიდენტ გიორგი მარგველაშვილის განცხადებას გამოეხმაურა იმასთან დაკავშირებით, რომ ადმინისტრაციული რესურსის გამოყენებაზე ქვეყანამ ჯერ უარი ვერ თქვა.

"მოგონილ ჭორებზე განცხადებების გაკეთება პრეზიდენტის მხრიდან, მე მგონია, რომ არასწორია. პრეზიდენტი უფრო მაღლა უნდა დადგეს ამ ყველაფერზე... თუ რაიმე არის დარღვევა გამოვიძიოთ ერთად. როდესაც სიცრუეზე აკეთებს განცხადებებს, თან პრეზიდენტი, არასწორია", - განაცხადა კალაძემ იმედის ეთერში.

გუშინ, 25 ოქტომბერს, მაესტროს ეთერში გიორგი მარგველაშვილმა განაცხადა, რომ საარჩევნო გარემო იყო არაკონკურენტული იმ ფინანსური ნაკადის გამო, რომელიც მმართველ პარტიას აქვს.