ჩინელმა მეცნიერებმა წარმატებით აიღეს ბრინჯის ახალი ჯიშის მოსავალი, რომელიც მარილიან წყალშიც კი იზრდება. შედეგი, რომელიც მცენარემ აჩვენა, სამჯერ უკეთესია, ვიდრე მეცნიერები ელოდნენ.

ექსპერიმენტის ფარგლებში 200-მდე სხვადასხვა ჯიშის ბრინჯი დაითესა, მთავარი მიზანი კი თიხიან ნიადაგსა და მარილიან წყლით გაზრდა იყო. მცენარეებს ყვითელი ზღვიდან ამოღებული წყლით რწყავდნენ.

მეცნიერების პროგნოზით, მოსავალი ერთ ჰექტარზე 4,5 ტონა უნდა ყოფილიყო, მაგრამ ბევრად უკეთესი შედეგი მიიღეს - 4 სხვადასხვა ტიპის მცენარისგან ჰექტარზე 6,5-დან 9,3 ტონამდე.

ექსპერიმენტის ხელმძღვანელის, იუან ლონგპინგის თქმით, ამ ჰიბრიდული ბრინჯის კულტივაციით 200 მილიონი ადამიანის გამოკვება იქნება შესაძლებელი.

ახლად გამოყვანილი ბრინჯი შედარებით ძვირი ღირს - $7,5 კილოგრამი, თუმცა აგვისტოდან დღემდე 6 ტონა გაიყიდა, რადგან მისი ხარისხი და გემო მომხმარებლებს ძალიან მოსწონთ. გარდა ამისა, ბრინჯი მდიდარია სხვადასხვა მინერალებით და იმდენად, რამდენადაც მაღალი გამძლეობა აქვს, ფერმერებს ნაკლები პესტიციების გამოყენება მოუწევთ.