კრეატიული „ომი“ ნიუ-იორკში ოფისების ფანჯრებზე

ყველაზე მრავალფეროვანი და კრეატიული ომი მსოფლიოს ისტორიაში, ნიუ-იორკში, ერთმანეთის პირდაპირ მდებარე ოფისებს შორის მოხდა და ის რამდენიმე დღის განმავლობაში გრძელდებოდა.

რეალობაში, სადაც კომუნიკაციის უამრავი უცნაური და საინტერესო გზა არსებობს, მანჰეტენზე მდებარე ერთ-ერთი ოფისის თანამშრომელმა კიდევ უფრო უცნაური გამოძებნა.

მან „გამარჯობა“ მიაკრა ფანჯარას და პასუხს დაელოდა; მეორე ოფისში არ დააყოვნეს და უპასუხეს - „რა ხდება?“

ფოტო 1: freshasthedayshewasborn / instagram / ფოტო 2: paul vinod / Twitter

აქედან დაიწყო პროცესი, რომელმაც ორივე ოფისის თანამშრომლები სრულად შთანთქა, ისევე როგორც ფანჯრები. მინები დაფარა ფერადმა ნახატებმა, სხვადასხვა წარწერებმა და ლოგოებმა.

ორივე შენობაში განლაგებული იყო სხვადასხვა მედია და მარკეტინგული კომპანიები, მათი ხელშეწყობით, ოფისებს შორის კომუნიკაციის უცნაური გზა ნამდვილ ომად იქცა.

ფანჯრებზე შეხვდებოდით ყველაფერს: სნაფჩატის ლოგოს, სუპერმენს, მინიონებს, ენგრი ბერდზის უფრო გაბრაზებულ გამოსახულებას და თვით სპაიდერმენსაც კი.

თუმცა ეს ყველაფერი არ იყო საკმარისი.

ომი იმდენად კრეატიული გახდა, რომ მისი დასასრული უფრო და უფრო წარმოუდგენელი ჩანდა.

საბოლოოდ ომის დასრულება Havas Worldwide-მა გადაწყვიტა.

სამსახურის შემდეგ თანამშრომლებმა, ლუდის და პიცის გარემოცვაში, გადაწყვიტეს ფინალური შეტევის სტრატეგიაზე მუშაობა. საბოლოოდ მათ შეიმუშავეს ვიდეო, რომელიც მეორე დღეს ოფისის ფანჯრებზე გააშუქეს, ეს არის მიკროფონის დაცემის კადრი, რომელმაც მოწინააღმდეგე ოფისი აიძულა კაპიტულაცია გამოეცხადებინა.