4 ოქტომბრის საქმეზე დაკავებული კიდევ 1 პირი, ვახო ფიცხელაური პროკურატურასთან საპროცესო შეთანხმებას დასთანხმდა. აღნიშნულ ეპიზოდზე საპროცესო შეთანხმება უფორმდება 7 პირს — ალექსანდრე ხაბეიშვილი, ბექა ქელეხსაშვილი, გიორგი მუმლაძე, მამუკა ლაბუჩიძე, გურიელ ქარდავა, ავთანდილ სურმანიძე და თემურ ქურციკიძე.

ბრალდებულები საპროცესო შეთანხმების გაფორმებისთანავე სასამართლო დარბაზიდან გათავისუფლდებიან. პროკურორმა ლაშა ცქვიტარიამ ჟურნალისტებთან საუბრისას განმარტა, რომ ბრალდებულებმა დანაშაული "აღიარეს და მოინანიეს".

ამ ეპიზოდზე ბრალდებულები საპროცესო შეთანხმების პირობებს არ ეთანხმებიან — აბო ნავერიანი, ანტონ უპერი, ნანა სანდერსი და მარიამ მეყანწიშვილი. ისინი წარდგენილ ბრალდებაში თავს დამნაშავედ არ ცნობენ. ანტონ უპერი ძებნაში იმყოფება და პატიმრობა დაუსწრებლად შეეფარდა, ხოლო მარიამ მეყანწიშვილი 2025 წლის 18 ოქტომბერს 10 000-ლარიანი გირაოს სანაცვლოდ გაათავისუფლეს.