ევროპის საბჭოს გენერალური მდივანი ალან ბერსე სტრასბურგში, ევროპის საბჭოს საპარლამენტო ასამბლეის (PACE) საშემოდგომო სესიის ფარგლებში, საქართველოს სამოქალაქო საზოგადოების წარმომადგენლებს შეხვდა.

მისი თქმით, ევროპის საბჭო ადამიანის უფლებებისა და თავისუფლებების დაცვას, მათ შორის, ადამიანის უფლებათა ევროპული სასამართლოს (ECHR) მეშვეობით აგრძელებს. ბერსე ასევე აღნიშნავს, რომ შეხვედრაზე იმსჯელეს, როგორ შეიძლება ევროპის საბჭომ თავისი გავლენის გაძლიერება, მათ შორის ორგანიზაციის რეფორმის გზით

"PACE-ის სესიის ფარგლებში, საქართველოს სამოქალაქო საზოგადოების წევრებთან მათი ყოველდღიური გამოცდილების შესახებ ვისაუბრეთ იმ პირობებში, რომლებიც კვლავ რთულია. ევროპის საბჭო ადამიანის უფლებებისა და თავისუფლებების დაცვას ადამიანის უფლებათა ევროპული სასამართლოს (ECHR) მეშვეობით აგრძელებს. ეს ღირებული შეხვედრა იყო, რომელმაც ასევე დაგვანახა, სად შეგვიძლია ჩვენი გავლენის გაძლიერება, მათ შორის ევროპის საბჭოს რეფორმის გზით", — წერს ბერსე სოციალურ ქსელ X-ზე.