საქართველოს მესამე პრეზიდენტი და უკრაინული ოპოზიციური პარტია ტალღის ლიდერი მიხეილ სააკაშვილი უკრაინის საკანონმდებლო ორგანოს წინ განთავსებულ კარავში დაბანაკდა. მან მხარდამჭერებს რადას წინ შეკრებისკენ მოუწოდა.

როგორც სააკაშვილი ამბობს, კარვებთან ყოველდღე გაიმართება ლექცია-სემინარები პოლიტიკური რეფორმებისა და ცვლილებების შესახებ. უკრაინელი ოპოზიციონერები ხელისუფლებისგან ანტიკორუფციულ რეფორმებს მოითხოვენ. გარდა ამისა, მათ მოთხოვნებს პრეზიდენტ პოროშენკოს გადადგომაც დაემატა.

ოპოზიცია, სააკაშვილის მეთაურობით, უკრაინის საკანონმდებლო ორგანოს წინ აქციას 17 ოქტომბრიდან მართავს.