ირაკლი კობახიძემ სომხეთის პრემიერმინისტრ ნიკოლ ფაშინიანს საპარლამენტო არჩევნებში გამარჯვება მიულოცა. კობახიძემ ფაშინიანს სოციალურ პლატფორმა X-ზე მიმართა და წარმატება უსურვა.

"გულითადად ვულოცავ პრემიერმინისტრ ნიკოლ ფაშინიანს და მის პარტიას არჩევნებში მიღწეულ წარმატებას. მოუთმენლად ველი ჩვენი მჭიდრო თანამშრომლობის გაგრძელებას, რათა კიდევ უფრო გავაძლიეროთ საქართველოსა და სომხეთს შორის არსებული სტრატეგიული პარტნიორობა და მეგობრული ურთიერთობები ჩვენი ხალხების კეთილდღეობისა და განვითარებისათვის", — წერს ირაკლი კობახიძე.

ცნობისთვის, საპარლამენტო არჩევნები სომხეთში კვირას, 7 ივნისს გაიმართა. ცენტრალური საარჩევნო კომისიის მონაცემებით, ბიულეტენების 94 პროცენტის დათვლის შემდეგ, პრემიერმინისტრ ნიკოლ ფაშინიანის პარტია "სამოქალაქო კონტრაქტის" ხმების 50.07 პროცენტით ლიდერობს.