"მადლიერი ვარ, რომ პრეზიდენტი ტრამპი ამ გარიყული სახელმწიფოსგან ქცევის შეცვლას მოითხოვს!" — დაწერა X-ზე აშშ-ს რესპუბლიკელმა კონგრესმენმა ჯო უილსონმა საქართველოსთან დაკავშირებით.

"ანტიამერიკული "ქართული ოცნების" რეჟიმი ხელს უწყობს ირანისა და ჩინეთის კომუნისტური პარტიის უკანონო ქმედებებს, მაშინ როცა საკუთარ ხალხს უკანონოდ აპატიმრებს. მადლიერი ვარ, რომ პრეზიდენტი ტრამპი ამ გარიყული სახელმწიფოსგან ქცევის შეცვლას მოითხოვს!", — დაწერა X-ზე აშშ-ს რესპუბლიკელმა კონგრესმენმა ჯო უილსონმა.

მანამდე აშშ-ს წარმომადგენელთა პალატაში გამართულ მოსმენაზე აშშ-ის სახელმწიფო მდივანმა მარკო რუბიომ განაცხადა, რომ ქართულმა მხარემ თავად ჰკითხეს, თუ რა არის საჭირო აშშ-სთან ურთიერთობების გასაუმჯობესებლად. მათ კი მიაწოდეთ პასუხი და იმედოვნებენ, რომ ამ საფუძველზე შეძლებენ წინსვლას და "შეიცვლება არა მხოლოდ ჩვენი ურთიერთობები საქართველოსთან, არამედ მათი ქცევა", — თქვა რუბიომ.

"საქართველოს საკითხზე თქვენ მართალი ხართ — ყველაფერი, რაც ახლა ჩამოთვალეთ, ჩვენი შეშფოთების საგანია.

მას შემდეგ მათ გადადგეს გარკვეული ნაბიჯები, რაც მიგვანიშნებს, რომ სურთ ამერიკის შეერთებულ შტატებთან ურთიერთობების გაუმჯობესება. ჩვენ მკაფიოდ განვუმარტეთ, თუ რა არის ამისთვის საჭირო და რა პირობების შესრულებას მოვითხოვთ. მათგან მივიღეთ გარკვეული პოზიტიური სიგნალები.

შესაბამისად, ჩვენი იმედია, რომ შევძლებთ შევცვალოთ მოვლენების განვითარების ის ტრაექტორია, რომელზეც საქართველო დღეს იმყოფება. ჩვენ, რა თქმა უნდა, ვაცნობიერებთ, რომ თქვენ მიერ ჩამოთვლილი თითოეული საკითხი ჩვენთვის კვლავაც ძველ პრობლემად რჩება.

მათ თავად გვკითხეს, თუ რა არის საჭირო აშშ-სთან ურთიერთობების გასაუმჯობესებლად. ჩვენ მივაწოდეთ პასუხი და ვიმედოვნებთ, რომ ამ საფუძველზე შევძლებთ წინსვლას და, იმედია, შეიცვლება არა მხოლოდ ჩვენი ურთიერთობები საქართველოსთან, არამედ მათი ქცევა", — განაცხადა რუბიომ.