"მესამედ გადავაგზავნეთ, ჩვენ ძალიან სკრუპულოზურად მივყვებით ამ საკითხს და, რა თქმა უნდა, შევაბრუნეთ კვლავ საჩივარი," — შალვა პაპუაშვილის განცხადებით, ქართულმა ოცნებამ BBC-ის საჩივრით მესამედ მიმართა.

"მესამედ გადავაგზავნეთ, ჩვენ ძალიან სკრუპულოზურად მივყვებით ამ საკითხს და, რა თქმა უნდა, შევაბრუნეთ კვლავ საჩივარი. დიდი შრომა მიდის ამ საკითხზე იმისთვის, რომ ჩვენი საჩივრები იყოს სათანადო ხარისხის და დასაბუთებული, რაც არის კიდეც და მინდა, რომ აქედანვე დაგარწმუნოთ. ველით, ჯერ პასუხი არ მიგვიღია, ვნახოთ," — განაცხადა პაპუაშვილმა.

15 იანვარს, პაპუაშვილმა ჟურნალისტებთან განმარტა, რომ ბრიტანეთის კანონმდებლობა ითვალისწინებს, რომ საჩივრით ჯერ მედიას უნდა მიმართონ, თუ მედია არ გამოასწორებს დარღვევას, შემდეგი ეტაპი ბრიტანეთის კომუნიკაციების ბიუროსადმი მიმართვაა. თუ კიდევ არ აღმოიფხვრა დარღვევა, ბრიტანეთის სასამართლოს მიმართავენ.