ევროპული საქართველოს ერთ-ერთი ლიდერის, გიგა ბოკერიას თქმით, ნაციონალური მოძრაობის მეორე ტურში არმონაწილეობა სერიოზული შეცდომა და "ირიბად ივანიშვილის გუნდისთვის ხელის შეწყობაა, რომ არჩევნების მიმართ უიმედობა დაინერგოს".

მისივე თქმით, მეორე ტური მთელმა ოპოზიციამ მოიპოვა და არა მხოლოდ ნაციონალურმა მოძრაობამ.

"უმძიმესი საარჩევნო კამპანია იყო, უმძიმესი დარღვევებით, მაგრამ გამოსავალი რა არის. თბილისში თუ ყველანი ვცდილობდით, რომ შეგვენარჩუნებინა მეორე ტური და მხარი დაგვეჭირა ერთიანი კანდიდატისთვის, გინდ ზალიკო უდუმაშვილისთვის, გინდ ალეკო ელისაშვილისთვის, გინდ ელენე ხოშტარიასთვის, პროდასავლურ ოპოზიციას ვგულისხმობ, რა შეიცვალა ამის შემდეგ? ქუთაისი რა განსხვავებულია?", - განაცხადა ბოკერიამ.

ნაციონალური მოძრაობის პოლიტსაბჭომ 23 ოქტომბერს გადაწყვიტა, რომ საქართველოს თვითმმართველობის არჩევების მეორე ტუში მონაწილება არ მიეღოთ. პარტიის წარმომადგენლებს ბრძოლა მარტვილსა და ქუთაისში მოუწდევდათ.

პარტიი ერთ-ერთმა ლიდერმა სალომე სამადაშვილმა ფეისბუკზე დაწერა, რომ პარტიის პოლიტსაბჭოს არჩევნების მეორე ტურში მონაწილეობაზე უარი არ უნდა ეთქვა. პარლამენტის დეპუტატს მიაჩნია, რომ პარტიამ, თუნდაც უსამართლო პირობებში, ბრძოლა დათმო.