ბრიტანულმა რადიოსადგურმა Radio Caroline-მა განაცხადა, რომ მათ მთავარ სტუდიაში მომხდარი "კომპიუტერულმა შეცდომის" გამო მცდარი განცხადება გაჟღერდა. რადიოსადგურმა ბოდიში მოიხადა ჩარლზ III-ის გარდაცვალების შესახებ გავრცელებული ინფორმაციის გამო. ამის შესახებ Sky News წერს.

სოციალურ ქსელში გამოქვეყნებულ პოსტში სადგურის მენეჯერმა, პიტერ მურმა, დაწერა: "ჩვენს მთავარ სტუდიაში მომხდარი კომპიუტერული შეცდომის გამო, სამშაბათს ნაშუადღევს (19 მაისს) შემთხვევით გააქტიურდა მონარქის გარდაცვალების პროცედურა — პროტოკოლი, რომელიც გაერთიანებული სამეფოს ყველა რადიოსადგურს მზადყოფნაში აქვს და იმედოვნებს, რომ არასდროს დასჭირდება. შედეგად, შეცდომით გამოცხადდა, რომ მისი უდიდებულესობა მეფე გარდაიცვალა.

ამის შემდეგ, როგორც წესი ითვალისწინებს, Radio Caroline დადუმდა.

Radio Caroline სიამოვნებით გადასცემდა ხოლმე მისი უდიდებულესობა დედოფლის, ახლა კი უკვე მეფის საშობაო მიმართვას და იმედი გვაქვს, რომ ამას კიდევ მრავალი წლის განმავლობაში გავაგრძელებთ.

ბოდიშს ვუხდით მის უდიდებულესობა მეფესა და ჩვენს მსმენელებს გამოწვეული ნებისმიერი შეშფოთებისთვის", — აღნიშნილია განცხადებაში.