საქართველოს ბანკი ფინანსური განათლების მიმართულებით ინიციატივების განხორციელებას განაგრძობს.

2026 წელს ბანკის მიზანია, სკოლის მოსწავლეებს, მათ მშობლებს, მასწავლებლებსა და სტუდენტებს გააზრებული ფინანსური გადაწყვეტილებების მიღებაში დაეხმაროს და ხელი შეუწყოს სწორი ფინანსური ჩვევების ჩამოყალიბებაში, რაც გრძელვადიან პერიოდში, მათ ეკონომიკურ სტაბილურობასა და სიძლიერეს განაპირობებს.

გაეცანით ინფორმაციას საქართველოს ბანკის მიერ 2026 წლის I კვარტალში ფინანსური განათლების მიმართულებით განხორციელებული პროექტების შესახებ:

ფინანსური განათლების სასერტიფიკატო კურსები

ინიციატივის ფარგლებში, საქართველოს ბანკის მხარდაჭერით, გაიმართა ლევან ფავლენიშვილის ფინანსური განათლების სასერტიფიკატო ტრენინგები სამი ჯგუფისთვის — სტუდენტების, მასწავლებლებისა და მშობლებისთვის, სადაც ჯამში 200-ზე მეტი მონაწილე ჩაერთო.

ტრენინგის ფარგლებში მონაწილეები განიხილავდნენ ფინანსური განათლების მნიშვნელოვან და პრაქტიკულ თემებს, მათ შორის: ბიუჯეტირებას, ხარჯვის ემოციურ ფაქტორებს, ხარჯების მართვას, ანაბარს, ინვესტირებასა და სხვ.

ფინანსური განათლების კურსები ადგილობრივ უნივერსიტეტებში

ამასთან, საქართველოს ბანკმა ფინანსური განათლების მიმართულებით დაიწყო თანამშრომლობა უნივერსიტეტებთან. ინიციატივა მიზნად ისახავს, ფინანსური განათლების კურსის დანერგვას.

პროექტის ფარგლებში კურსის ფორმატი, ხანგრძლივობა და შინაარსი ინდივიდუალურად განისაზღვრება უნივერსიტეტის მიერ. კურსის მიმდინარეობა მოიცავს მრავალფეროვან სწავლების ფორმებს, როგორებიცაა: ლექციები, დისკუსიები, ქეისების ანალიზი, პროექტებზე მუშაობა და ელექტრონული სწავლება. კურსის ფორმატი დაფუძნებულია თანამშრომლობაზე, დამოუკიდებელი აზროვნების წახალისებასა და პრაქტიკული უნარების განვითარებაზე.

საგანმანათლებლო მასალები sCoolApp-ში

მოსწავლეების საყვარელ აპლიკაცია sCoolApp-ში კი განთავსდა სახალისო, მოსწავლეებზე მორგებული საგანმანათლებლო მასალები, რომლებიც OECD-ს რეკომენდაციების საფუძველზე შეიქმნა და მოიცავს ისეთ საკითხებს, როგორებიცაა: სურვილებისა და საჭიროებების გარჩევა, დაზოგვის მიზნების დასახვა, ფასების შედარება, მცირე ხარჯების გავლენა ბიუჯეტზე, ფინანსური გადაწყვეტილებების მნიშვნელობა და ა.შ.

ამასთან, შეიქმნა ინტერაქციული თამაში Trivia-სთვის ფინანსური განათლების კრებული 2 ასაკობრივი კატეგორიისთვის. პირველ კვარტალში თამაშში 78 000-მდე უნიკალური მოთამაშე ჩაერთო.

პარტნიორობები

საქართველოს ბანკი აქტიურად თანამშრომლობს პარტნიორებთან და მხარს უჭერს ფინანსური განათლების ინიციატივებს. მათ შორის, ეროვნულ ბანკთან თანამშრომლობით ხორციელდება პროექტი — გახდი ფინედუს დესპანი მასწავლებელი, რომელშიც საქართველოს ბანკის ფილიალების თანამშრომლები მონაწილეობენ.

ინიციატივის ფარგლებში, საქართველოს ბანკის თანამშრომლები 150-ზე მეტ სკოლას ესტუმრნენ და V–XII კლასის მოსწავლეებისთვის ფინანსური განათლების საკითხებზე სახალისო და ინტერაქციულ გაკვეთილები ჩაატარეს.

საქართველოს ბანკის მიერ შექმნილი საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს.