პროკრედიტ ბანკი მომხმარებლებს ახალ ციფრულ ფუნქციონალ SWIFT Tracker-ს სთავაზობს, რომელის საშუალებითაც საერთაშორისო გადარიცხვების პროცესი უფრო გამჭვირვალე, მარტივი და კომფორტული ხდება. პროკრედიტი ერთ-ერთი პირველი ბანკია, რომელმაც ეს გადაწყვეტა დანერგა და მომხმარებლებს საერთაშორისო გადარიცხვების პროცესზე სრული ხილვადობის შესაძლებლობა მისცა.

SWIFT Tracker-ის საშუალებით ფიზიკურ პირებსა და ბიზნეს მომხმარებლებს შეუძლიათ, რეალურ დროში მიიღონ დეტალური ინფორმაცია საკუთარი საერთაშორისო ტრანზაქციების შესახებ. ფუნქციონალი უზრუნველყოფს გადარიცხვის სრული გზის ხილვადობას. მომხმარებელი ხედავს, თუ რომელი ბანკები გაიარა ტრანზაქციამ, რა ეტაპზეა ამჟამად და რა არის მისი საბოლოო შედეგი.

ინფორმაცია წარმოდგენილია ფორმატში, რომელშიც ნაჩვენებია თითოეული მონაწილე ბანკი, სტატუსების ინდიკატორები და მიმდინარე ეტაპი.

დამატებით, მომხმარებელს შეუძლია იხილოს დეტალური ინფორმაცია ტრანზაქციის შესახებ, მათ შორის:

  • თანხა და ვალუტა;
  • ტრანზაქციის დაწყების დრო;
  • ბოლო განახლების დრო;
  • დასრულების დრო.

ახალი ფუნქციონალი მნიშვნელოვნად გააუმჯობესებს მომხმარებლის გამოცდილებას და საერთაშორისო გადარიცხვები უფრო გამჭვირვალე და კომფორტული გახდება.

გაიგე მეტი აქ.