სახელმწიფო მოღვაწე და დიპლომატი, საქართველოს ყოფილი ფინანსთა მინისტრი და რუსეთის ფედერაციაში საქართველოს ყოფილი საგანგებო და სრულუფლებიანი ელჩი ვალერი ჩეჩელაშვილი პოლიტიკურ მოძრაობა ჯერ საქართველოს შეუერთდა.

ჩეჩელაშვილის თქმით, გადაწყვეტილება ხანგრძლივი ფიქრის შემდეგ მიიღო და მოძრაობაში გაერთიანებულ გუნდს პატრიოტ და პრაგმატულ ადამიანებად აფასებს.

"ბევრი ვიფიქრე და გადავწყვიტე შევუერთდე პოლიტიკურ მოძრაობა ჯერ საქართველოს.

ჯერ საქართველოს გუნდში გაერთიანებული არიან პატრიოტი და სერიოზული ხალხი და არის კოლექტიური აზროვნების ჯგუფი, რომლის ამბიციებიც დაფუძნებულია ძალიან პრაგმატულ და რეალისტურ მიდგომებზე.

იმის გარდა, რომ ბევრი კონცეპტუალური დოკუმენტი დადეს, კვინტენსენცია ამ მიდგომის არის ერი-სახელმწიფო, სამოქალაქო ნაციონალიზმი. რატომ? იმიტომ, რომ სამოქალაქო ნაციონალიზმი აძლიერებს ერს და უზრუნველყოფს სახელმწიფოს მდგრად განვითარებას და მის ინსტიტუციონალურ მოწყობას.

ამიტომ, ჯერ საქართველო და საქართველოს ჯერია," — აცხადებს ვალერი ჩეჩელაშვილი.