კატალონია ესპანეთის მთავრობის ბრძანებებს არ დაემორჩილება, თუ მადრიდი რეგიონზე კონტროლის აღდგენას შეეცდება.

როგორც კატალონიის საგარეო გამოწვევების სამსახურის წარმომადგენელმა BBC-ის უთხრა, ცენტრალური ხელისუფლება კატალონიელების სურვილის წინააღმდეგ მოქმედებდა.

ესპანეთის პრემიერ-მინისტრმა, მარიანო რახოიმ კატალონიის რეგიონის მთავრობის დათხოვის და მისი პარლამენტის უფლებების შეზღუდვის გეგმები 19 ოქტომბერს დააანონსა.

ესპანეთის ცენტრალური ხელისუფლება კატალონიის პრეზიდენტისთვის ყველა უფლების ჩამორთმევის, რეგიონის პოლიციაზე და მისი საზოგადოებრივ მაუწყებელზე კონტროლის აღდგენისა გზებს ეძებს.

ესპანეთის საკონსტიტუციო სასამართლოს მიერ არაკონსტიტუციურად ცნობილი რეფერენდუმი კატალონიაში პირველ ოქტომბერს ჩატარდა. რეგიონის მთავრობის ცნობით, რეფერენდუმში მონაწილეობა მოსახლეობის 43-მა პროცენტმა მიიღო, აქედან დამოუკიდებლობას 90%-მა დაუჭირა მხარი.