შენების მოძრაობის ლიდერის, დავით უსუფაშვილის თქმით, ადგილობრივ არჩევნებში 17 მუნიციპალიტეტში ჰქონდათ პარტიული სიები წარდგენილი და წინასწარი მონაცემებით, 9 მათგანში დმანისში, გორში, ხარაგაულში, ონში, ჩოხატაურში, ფოთში, ჩხოროწყუში, ხობსა და ხულოში მოძრაობის კანდიდატებმა გამარჯვება მოიპოვეს. მისივე თქმით, რამდენიმე საკრებულოში შენების მოძრაობა ფრაქციებით იქნება წარმოდგენილი.

"გუშინდელმა დღემ კიდევ ერთხელ დაგვარწმუნა, რომ სწორად შენების დროა... ჩვენ არ გვქონდა და არც შეიძლებოდა გვქონოდა მაღალი საერთო ეროვნული შედეგის ამოცანა. ჩვენ ვიყავით ფოკუსირებული კონკრეტულ მუნიციპალიტეტებზე და მათ უმრავლესობაში მივიღეთ საინტერესო შედეგები".

დავით უსუფაშვილმა თქვა, რომ შენების მოძრაობის მთავარი ამოცანა თბილისის არჩევნებში იყო პოლიტიკურ ცხოვრებაში "ახლად ჩართული პროფესიონალების მიერ საარჩევნო გამოცდილების მიღება".

"რაც შეეხება არჩევნებს ზოგადად - დამაჯერებელი გამარჯვება მოიპოვა ფულმა და ძალაუფლებამ; დამარცხდა თავისუფლება და თვითმმართველობა", - განაცხადა უსუფაშვილმა.