3 მაისს, პრესის თავისუფლების მსოფლიო დღესთან დაკავშირებით, გერმანიის საელჩო განცხადებას სოციალურ ქსელში ავრცელებს, სადაც წერს, რომ "გერმანია მტკიცედ დგას იმ ჟურნალისტების გვერდით, რომლებიც ფაქტების გულისთვის საკუთარ უსაფრთხოებას რისკავენ".

"მამაცი ხმების გარეშე სიმართლე სინათლეს ვერ ხედავს.

დღეს პრესის თავისუფლების მსოფლიო დღე აღინიშნება. დღე, რომელიც გვახსენებს, რომ პრესის თავისუფლება არა პრივილეგია, არამედ ყველა დემოკრატიის ფუნდამენტია.

განსაკუთრებით, რთულ პერიოდებშია დამოუკიდებელი მედიის არსებობა აუცილებელი. იგი ხედავს, იმას რასაც სხვები არ ამჩნევენ, ამხელს კორუფციას და ხალხს გამოხატვის შესაძლებლობას აძლევს.

გერმანია მტკიცედ დგას იმ ჟურნალისტების გვერდით, რომლებიც ფაქტების გულისთვის საკუთარ უსაფრთხოებას რისკავენ," — წერია განცხადებაში.

გერმანიის საელჩოს განცხადებაში ასევე მოცემულია ბმული, სადაც დეტალურად არის წარმოდგენილი დამოუკიდებელი ონლაინმედია ქსელის "სინათლის" საქმიანობა.

"აქ შეგიძლიათ მეტი გაიგოთ დამოუკიდებელი ქართული ონლაინმედიის ქსელის "სინათლის" მუშაობის შესახებ და/ან თვალი ადევნოთ სხვა დამოუკიდებელ ქართულ ონლაინ მედიებს: Sinatle Media • სინათლე მედია ყოველი გამოხმაურება და გაზიარება მნიშვნელოვანია! — წერს "გერმანიის საელჩო თბილისში".

შეგახსენებთ, 3 მაისს მსოფლიო პრესის თავისუფლების დღეა.
ამასთან დაკავშირებით, მედიის განვითარების ფონდმა (MDF) და "მითების დეტექტორმა" გამოაქვეყნეს ანგარიში, რომელიც 2025 წელსა და 2026 წლის იანვარ-აპრილში მედიისა და ჟურნალისტების წინააღმდეგ მიმართულ დეზინფორმაციული და დისკრედიტაციის კამპანიების ტენდენციებს აჯამებს.

მეტი მსოფლიო პრესის თავისუფლების დღესთან დაკავშირებით: