თბილისის მერობის კანდიდატის, ალეკო ელისაშვილის საარჩევნო შტაბის უფროსი, ივანე ნორაკიძე აცხადებს, რომ დიდუბის პირველი, მთაწმინდის მეექვსე და საბურთალოს 72-ე საარჩევნო უბნებიდან მათი დამკვირვებლები უკანონოდ გამოაგდეს და სხვა უბნებზეც პრობლემას უქმნიან. მისივე თქმით, მიზეზად საარჩევნო სიებზე დაკვირვება და ამით კომისიისთვის ხელის შეშლა სახელდება:

"ამას გაიძახის ცესკო მთელი დღეა, რომ დამკვირვებლებს აქვთ უფლება სიებზე დაკვირვების და ჩანაწერების გაკეთების და ჩვენს წარმომადგენლებს ამის გამო უბნები დაატოვებინეს."

ნორაკიძის თქმით, ცესკო არ არის დაინტერესებული, რომ ელისაშვილის წარმომადგენლები დაესწრონ ხმის დათვლის პროცესს:

"რაც უფრო მეტი ხალხი მივა არჩევნებზე, უფრო ნაკლები აქვს შანსი ცესკოს, რომ ის რიცხვები დაწეროს, რაც წინასწარ აქვს განსაზღვრული."