ამერიკელი მსახიობი, ბლეიკ ლაივლი ამტკიცებს, რომ მედიასა და სოციალურ ქსელებში გავრცელებულმა ცრუ ნარატივებმა, რომლებიც მას მჩაგვრელად მოიხსენიებდა, მსახიობის კარიერა თითქმის $300 მილიონით დააზარალა.

Fox News Digital-ის მიერ მოპოვებული ახალი სასამართლო დოკუმენტების თანახმად, ლაივლი ამტკიცებს, რომ ჯასტინ ბალდონის კინოკომპანიამ და მისმა პიარმა მსახიობზე შური იძიეს მას შემდეგ, რაც ლაივლიმ ბალდონის სექსუალურ შევიწროების გამო უჩივლა.

ფოტო: BBC

Gossip Girl-ის ვარსკვლავმა განაცხადა, რომ მან სოლიდური შემოსავალი დაკარგა, რაც, მისივე შეფასებით, დაახლოებით $34.3-დან $87.8 მილიონამდე მერყეობს. ამ თანხის უდიდესი ნაწილი კი არის 2024 წლის აგვისტოდან 2029 წლის აგვისტომდე ხელიდან გაშვებული შესაძლებლობიდან, მათ შორის — სტუდიური ფილმები, დამოუკიდებელი პროექტები, სერიალები, სარეკლამო კონტრაქტები და ა.შ.

ბალდონის წინააღმდეგ მიმდინარე იურიდიულ დავაში ლაივლი კომპენსაციის სახით თითქმის $300 მილიონს ითხოვს. 38 წლის მსახიობმა დამატებით $40 მილიონი მოითხოვა რეპუტაციისთვის მიყენებული ზიანისთვის, რაც, მისი თქმით, გამოიწვია ცრუ ნარატივებმა, რომლებიც მას მჩაგვრელად მოიხსენიებდა.

ჯასტინ ბალდონი

ფოტო: The Hollywood Reporter

ლაივლის იურიდიულმა გუნდმა აღნიშნულ მოთხოვნას დაამატა $250,000-დან $400,000 ათასამდე იმ "ტკივილის, ტანჯვის, ფიზიკური ზიანისა და დამცირებისთვის", რომელიც მსახიობმა იმ პერიოდში განიცადა.

ბალდონის გუნდი ამტკიცებს, რომ ლაივლის მიერ შეფასებული ზარალი ხელოვნურად არის გაზრდილი და დაუსაბუთებელია. მსახიობის ადვოკატები აცხადებენ, რომ იმ შემთხვევაშიც კი, თუ ლაივლის ბიზნესებმა ფინანსურად მართლაც იზარალეს, მსახიობი პირადად ვერ მოითხოვს ამ ფულადი დანაკარგის ანაზღაურებას. ბალდონის ადვოკატები ითხოვენ, საქმე საბოლოოდ დაიხუროს.

ფოტო: People

შეგახსენებთ, რომ ბალდონისა და ლაივლის შორის სამართლებრივი დაპირისპირება კოლინ ჰუვერის წიგნის ეკრანიზაციის, It Ends With Us-ის, გადაღებების შემდეგ დაიწყო. 2024 წლის დეკემბერში ლაივლიმ ბალდონის სექსუალურ შევიწროებაში დასდო ბრალი.

ჯასტინ ბალდონიმ ბრალდებები უარყო, იანვარში კი თავადაც შეიტანა $400-მილიონიანი სარჩელი ლაივლისა და მისი ქმრის, რაიან რეინოლდსის წინააღმდეგ, შანტაჟისა და ცილისწამების გამო.