აქტივისტ ალბი კორძაიას მიერ სოციალურ ქსელში გავრცელებული ინფორმაციის საფუძველზე შინაგან საქმეთა სამინისტრომ გამოძიება სისხლის სამართლის კოდექსის 137-ე მუხლით დაიწყო, რაც გაუპატიურებას გულისხმობს. ფაქტს შსს-ში ადასტურებენ.

ალბი კორძაია, 21 აპრილს სოციალურ ქსელში მოძრაობა "ნაბიჯის" დამფუძნებელი ლუკა ჭოხონელიძე გაუპატიურებასა და სექსუალურ შევიწროებაში დაადანაშაულა. მისი თქმით, "გოგოს არ უნდა გამოჩენა, არ უნდა ამაზე საუბარი", რის შემდეგაც საკუთარ გამოცდილებაზე წერს და იხსენებს მოძრაობა ნაბიჯის ოფისში მომხდარ ფაქტს, სადაც მისი თქმით ის ლუკა ჭ`ხონელიძემ სექსუალურად შეავიწროვა.

"ლუკა ჭოხონელიძემ გოგო გააუპატიურა, გოგოს არ უნდა გამოჩენა, არ უნდა ამაზე საუბარი, მისი მესმის. მე ამ ისტორიის 100%-ით მჯერა, რადგან, ახლა იქნება ძალიან რთული წასაკითხი.

2023 წელს ჩემმა მეგობრებმა წამიყვანეს ნაბიჯის ოფისში, მაკამ და თორნიკემ. იქ ბავშვები სვამდნენ, მეც დავლიე ერთი-ორი ჭიქა, მაგ პერიოდში ჩემს ბინაში რემონტი მქონდა და ძალიან გადაღლილი ვიყავი, წავედი სხვა ოთახში და პუფში ჩავწექი. გამეღვიძა შეგრძნებისგან, რომ ვიღაც ხელებს მითათუნებდა სხეულზე, თავი რომ მოვატრიალე, დავინახე, რომ ეს იყო ლუკა. მოკლედ, ლუკამ თავი მოიკატუნა, ვითომ ეძინა, რომ აერიდებინა ჩემთან გარჩევები, ალბათ.

გავედი ისევ იმ ოთახში, სადაც სვამდნენ. გავაღვიძე ჩემი მეგობარი თორნიკე და ეგრევე წამოვედით. იმის მერე მეზიზღება ეგ ბიჭი და პირად შურისძიებაში გადავიდა ყველაფერი, რაც მას უკავშირდება.

ამ პოსტს მოჰყვება ვნებათაღელვა, წინასწარ გეუბნებით, რომ პოსტის წაშლას არ ვაპირებ, წერეთ, რაც გინდათ.

ასევე, მინდა მივმართო ადამიანებს, ვინც აფინანსებს ამ ლუკას და თავის მეგობრების სამომავლო პოლიტიკურ კარიერას. უკაცრავად, ში* ხომ არ გაქვთ?!" — დაწერა ალბი კორძაიამ სოციალურ ქსელში.

ალბი კორძაიას ბრალდებას ლუკა ჭოხონელიძე სოციალურ ქსელში გამოეხმაურა. ის წერს, რომ იძულებულია ალბი კორძაიას ცილისწამებისთვის სასამართლოში უჩივლოს.

"მიწევს ალბი კორძაიას სასამართლოში ვუჩივლო. ეს არჩევანი იძულებითია, მაგრამ არის თემები რომლებიც სამართლებრივად უნდა გაირკვეს.

ერთადერთი მიზეზი, რამაც შეიძლება ეს გადაწყვეტილება შემაცვლევინოს ალბის მხრიდან ცილისმწამებლური ბრალდების უარყოფაა.

ბოდიშის მოხდას არ ვითხოვ. არაფერში მჭირდება.

არ მწყინს ვინც სიტუაციის გარკვევამდე ეს საშინელება დაიჯერა, თუმცა მადლობა ყველას, ვინც მიცნობს და აზრადაც არ გაუვლია ამ საძაგლობის დაჯერება", — დაწერა ლუკა ჭოხონელიძემ.