ჩინეთი პარტია ტიზას (Tisza) და მის ლიდერს, პეტერ მაგიარს, უნგრეთის საპარლამენტო არჩევნებში გამარჯვებას ულოცავს. ამის შესახებ ჩინეთის საგარეო საქმეთა სამინისტროს სპიკერმა ორშაბათს გამართულ ყოველდღიურ ბრიფინგზე განაცხადა. ინფორმაციას ჩინური მედია ავრცელებს.

სპიკერმა გუო ჯიაკუნმა აღნიშნა, რომ ჩინეთი დიდ მნიშვნელობას ანიჭებს ჩინეთ-უნგრეთის ურთიერთობების განვითარებას. მისი თქმით, ჩინეთი მზადაა, ურთიერთპატივისცემის, თანასწორობისა და ორმხრივი სარგებლის საფუძველზე, გააძლიეროს მაღალი დონის ურთიერთობები უნგრეთის ახალ მთავრობასთან, განამტკიცოს პოლიტიკური ურთიერთნდობები, გააფართოოს პრაქტიკული თანამშრომლობა და ხელი შეუწყოს კულტურულ და ხალხთაშორის ურთიერთობებს ორივე ქვეყნის ხალხის საკეთილდღეოდ.

შეგახსენებთ, უნგრეთის საპარლამენტო არჩევნებში პეტერ მადიარის პარტია Tisza-მ ხმების 53%% მოიპოვა, რაც პარლამენტში 138 მანდატის მიღებას ნიშნავს. ვიქტორ ორბანის პარტია Fidesz-მა კი 38% მიიღო (55 მანდატი).