ისრაელის თავდაცვის მინისტრის, ისრაელ კაცის ცნობით, ისრაელმა ირანის უდიდეს ნავთობქიმიურ ობიექტზე იერიში მიიტანა. მისივე თქმით, ისრაელის თავდაცვის ძალებმა (IDF) მიიღეს მითითება, რომ ირანის ინფრასტრუქტურაზე თავდასხმები "მთელი ძალით" გააგრძელონ. ამის შესახებ ინფორმაციას BBC ავრცელებს.

"ისრაელის თავდაცვის ძალებმა ახლახან ძლიერი დარტყმა მიაყენეს ირანის უდიდეს ნავთობქიმიურ ობიექტს, რომელიც [ასალუიეში] მდებარეობს", — განაცხადა თავდაცვის მინისტრმა გასულ კვირას სხვა ობიექტზე განხორციელებული თავდასხმის შემდეგ.

"ამჟამად ორივე ობიექტი, რომელიც ერთობლივად ირანის ნავთობქიმიური ექსპორტის დაახლოებით 85%-ზეა პასუხისმგებელნი, მწყობრიდანაა გამოსული და არ ფუნქციონირებს", — ნათქვამია განცხადებაში.

კაცმა აღნიშნა, რომ ასალუიეში მდებარე საწარმო ქვეყნის ნავთობქიმიური პროდუქციის დაახლოებით ნახევარს აწარმოებდა.