NASA-მ 52 წლის შემდეგ პირველად ადამიანები მთვარეზე გაუშვა. ხომალდში, რომელიც ჰაერში თბილისის დროით 2 აპრილის 02:34-ზე აიჭრა, ოთხი ასტრონავტი იმყოფება: რიდ ვაისმანი, ვიქტორ გლოვერი, ქრისტინა კოხი და ჯერემი ჰანსენი.

ფოტო: NASA

Artemis 2-ის მისია 10 დღე გაგრძელდება. აფრენიდან 1 დღის შემდეგ ავსტრონავტებს ABC News-ის ჟურნალისტი გაესაუბრა.

"არ ვიცი, რისი დანახვის მოლოდინი გვქონდა ყველას, მაგრამ შეიძლებოდა მთელი დედამიწის დანახვა, პოლუსიდან პოლუსამდე. ჩანდა აფრიკა, ევროპა და თუ კარგად დააკვირდებოდი, ჩრდილოეთის ციალის დანახვაც კი შეგეძლო. ეს იყო ყველაზე შთამბეჭდავი მომენტი, რომელმაც ოთხივე ადგილზე გაგვაშეშა," — განაცხადა რიდ ვაისმანმა.

ეკიპაჟის წევრები 1972 წლის შემდეგ პირველები იქნებიან, ვინც მთვარეს მიუახლოვდება და შესაძლოა, იმაზე შორსაც წავიდნენ, ვიდრე ნებისმიერი ადამიანი ყოფილა.

ფოტო: Chip Somodevilla/Getty Images

მისიის პილოტი, ვიქტორ გლოვერი, პირველი ფერადკანიანი ადამიანი გახდება, რომელიც მთვარეზე გაემგზავრა. გლოვერის თქმით, დედამიწის მაღალი ორბიტიდან ჩვენს პლანეტაზე არსებული დაყოფა საერთოდ არ ჩანს.

"გვენდეთ, საოცრად გამოიყურებით, ულამაზესები ხართ", — თქვა მან დედამიწის შესახებ. "თქვენ ერთ მთლიანობად ჩანხართ. ჰომო საპიენსი ყველა ჩვენგანია, განურჩევლად იმისა, თუ საიდან ხართ ან როგორ გამოიყურებით. ჩვენ ყველანი ერთი ხალხი ვართ"

"ამან გაგვაერთიანა და გვაჩვენა, თუ რისი გაკეთება შეგვიძლია მაშინ, როცა არამხოლოდ დავივიწყებთ ჩვენს შორის განსხვავებებს, არამედ ამ განსხვავებებს გავაერთიანებთ და მთელ ჩვენს ძალებს გამოვიყენებთ რაღაც დიდებულის მისაღწევად," — ამბობს ვიქტორი.

47 წლის ქრისტინა კოხი პირველი ქალი იქნება, რომელიც დედამიწის დაბალ ორბიტას გასცდება და მთვარეს გარშემო შემოუვლის.

ქრისტინა კოხი

ქრისტინა კოხი

ფოტო: STR/AFP/Getty

კოსმოსიდან შთაბეჭდილებები ქრისტინამაც გაგვიზიარა: "უბრალოდ მინდოდა, თქვენთვის აღმეწერა ის სილამაზე, რომელსაც ჩვენ ვხედავთ. ნათლად შეგიძლიათ გაარჩიოთ კონტინენტის სანაპირო ზოლი. მზის ანარეკლის მეშვეობით მდინარეების დანახვაცაა შესაძლებელი. ჩანს ჭექა-ქუხილის მაღალი ღრუბლები და ამავდროულად, ხედავთ მთლიან ტერმინატორს (დღისა და ღამის გამყოფ ხაზს) და განათებულ სამხრეთ პოლუსს. ეს უბრალოდ ფენომენალურია."