რამდენად წარმოუდგენლადაც არ უნდა ჟღერდეს, გრეის ანატომია 23-ე სეზონით გაგრძელდება. ინფორმაციას ტელეკომპანია ABC ავრცელებს.

სერიალი, რომელიც 2005 წელს შონდა რაიმსმა შექმნა, სატელევიზიო ისტორიაში ყველაზე ხანგრძლივი სამედიცინო დრამაა. აღსანიშნავია ისიც, რომ გრეის ანატომია გასულ წელს ყველაზე ნახვადი სერიალი იყო Disney+-სა და Hulu-ზე. გარდა ამისა, სერიალს მოპოვებული აქვს ოქროს გლობუსი საუკეთესო სატელევიზიო შოუს კატეგორიაში.

ფოტო: ABC

აქვე შეგახსენებთ, რომ გრეის ანატომიის მთავარმა პერსონაჟმა, მერედით გრეიმ (ელენ პომპეო), სერიალი 19-ე სეზონის შემდეგ დატოვა, თუმცა ის კვლავ არის ამბის მთავარი მთხრობელი და აღმასრულებელი პროდიუსერი.

რაც შეეხება ამჟამინდელ მთავარ პერსონაჟებს, სერიალის ბოლო სეზონში მთავარ როლებში ვიხილეთ ჩანდრა უილსონი (მირანდა ბეილი), ჯეიმს პიკენს უმცროსი (რიჩარდ ვებერი), კამილა ლუდინგტონი (ჯო), კატერინა სკორსონე (ამელია), ჯეისონ ჯორჯი (ბენ უორენი) და სხვები.

ფოტო: ABC Studios

გარდა ამისა, ცნობილი გახდა, რომ 23-ე სეზონში მონაწილეობას არ მიიღებენ მსახიობები კევინ მაკკიდსი და კიმ რეივერი.

გრეის ანატომიის 23-ე სეზონს 2026-2027 წლებში ვიხილავთ.

ასევე ნახეთ: