სამწლიანი ლოდინის შემდეგ, Euphoria ახალი სეზონით ბრუნდება. HBO-მ სულ ახლახან სერიალის მესამე სეზონის საბოლოო ტრეილერი გამოაქვეყნა.

როგორც ვიცით, მე-3 სეზონში მოქმედება მე-2 სეზონის დასასრულიდან 5 წლის შემდეგ ვითარდება. ახალი ტრეილერიდან კი ვიგებთ, რომ რუს მექსიკაში დაკითხვას უწყობენ, მას შემდეგ, რაც გაირკვა, რომ ის ნარკორეალიზატორებთან ერთად მუშაობდა. ქესისა და ნეითს ქორწილი აქვთ, ხოლო მედი ხვდება ქესის, რათა პორნოგრაფიული ვიდეოების გადაღებაში დაეხმაროს.

წინა თიზერიდან კი გვახსოვს, რომ ლექსი ჰოლივუდშია, ხოლო ჯულსი სამხატვრო უნივერსიტეტში სწავლის პარალელურად, სხვა საქმეებსაც ითავსებს.

კადრი Euphoria-ს მესამე სეზონიდან

კადრი Euphoria-ს მესამე სეზონიდან

ფოტო: HBO

სერიალის მთავარ შემადგენლობას მესამე სეზონში ისევ ვიხილავთ, მათ შორის არიან — ზენდეია, სიდნი სვინი, ჯეიკობ ელორდი, ალექსა დემი, მოდ აპატოუ, ჰანტერ შაფერი, ერიკ დეინი და სხვები.

კადრი Euphoria-ს მესამე სეზონიდან

კადრი Euphoria-ს მესამე სეზონიდან

ფოტო: HBO

აღსანიშნავია ისიც, რომ ერიკ დეინს ბოლოჯერ Euphoria-ს მესამე სეზონში ვიხილავთ. როგორც სერიალის შემქმნელები ამბობენ, დეინი გადაღების პარალელურად, ამიოტროფული ლატერალური სკლეროზის მძიმე სიმპტომებს ებრძოდა. დაავადებასთან ბრძოლის შემდეგ, სამწუხაროდ, მსახიობი 2026 წლის 19 თებერვალს, 53 წლის ასაკში, გარდაიცვალა.

Euphoria-ს მესამე სეზონს, HBO-ზე, 2026 წლის 12 აპრილს ვიხილავთ.