სამწლიანი ლოდინის შემდეგ, Euphoria მესამე სეზონით ბრუნდება. HBO-მ სულ ახლახან სერიალის ახალი სეზონის ტრეილერი გამოაქვეყნა.

როგორც ცნობილია, მე-3 სეზონში მოქმედება მე-2 სეზონის დასასრულიდან 5 წლის შემდეგ ვითარდება. ახალი ტრეილერიდან ვიგებთ, რომ რუს ნარკორეალიზატორებთან ისევ პრობლემები აქვს, ქესი ნეითზეა დანიშნული და პორნოგრაფიულ ვიდეოებს იღებს, მედის ბიზნესი აქვს, ლექსი ჰოლივუდშია, ხოლო ჯულსი სამხატვრო უნივერსიტეტში სწავლის პარალელურად, სხვა საქმეებსაც ითავსებს.

სერიალის მთავარ შემადგენლობას მესამე სეზონშიც ვიხილავთ, მათ შორის არიან — ზენდეია, სიდნი სვინი, ჯეიკობ ელორდი, ჰანტერ შაფერი, ალექსა დემი, ერიკ დეინი და სხვები. თუმცა, Euphoria-ს მესამე სეზონში ვერ ვიხილავთ კეტის როლის შემსრულებელ ბარბი ფერეირასა და სტორმ რეიდს (ჯია), რადგან მათ მე-3 სეზონში მონაწილეობაზე უარი თქვეს.

კადრი სერიალის მესამე სეზონიდან

კადრი სერიალის მესამე სეზონიდან

ფოტო: HBO

კადრი სერიალის მესამე სეზონიდან

კადრი სერიალის მესამე სეზონიდან

ფოტო: HBO

ამ სეზონში ვერ ვიხილავთ ფეზკოს როლის შემსრულებელ მსახიობ, ანგუს კლაუდს. ის, სამწუხაროდ, 2023 წლის 31 ივლისს, ნარკოტიკული ნივთიერებებით შემთხვევით ზედოზირებით, გარდაიცვალა.

თუმცა, სერიალის მე-3 სეზონში, ახალ სახეებსაც დავინახავთ. მათ შორის არიან — როზალია, შერონ სტოუნი, ნატაშა ლიონი, დანიელ დედუალერი და სხვ. გარდა ამისა, Euphoria-ს მესამე სეზონისთვის მუსიკას ოსკარის მფლობელი კომპოზიტორი, ჰანს ციმერი შექმნის.

ფოტო: Eddy Chen/HBO

როგორც სერიალის შემქმნელი, სემ ლევინსონი, აღნიშნავს, ეს მათი საუკეთესო სეზონია.

"თავიდანვე შევთანხმდით, რომ ამ სეზონში მოქმედება სკოლაში არ განვითარდება, მიუხედავად იმისა, რომ ბევრ სხვა სერიალში 30 წლის ადამიანებს სკოლის მოსწავლეების როლს ათამაშებენ, ჩვენ ამას არ ვაპირებთ", — თქვა მან — "ხუთწლიანი ნახტომი, ბუნებრივად მეჩვენება, რადგან ამ დროში უნივერსიტეტიც დამთავრებული უნდა ჰქონდეთ (იმ შემთხვევაში, თუ საერთოდ წავიდნენ სასწავლებლად)".

შეგახსენებთ, რომ Euphoria-ს მესამე სეზონს, HBO-ზე, 2026 წლის 12 აპრილს ვიხილავთ.