შვიდი სამეფოს რაინდი მეორე სეზონის სამსახიობო შემადგენლობას აფართოებს. Variety-ის ცნობით, ლუსი ბოინტონი (ბოჰემური რაფსოდია), ბაბუ სისი (უცხო: დედამიწა) და პიტერ მალანი (ოზარკი) სატახტოთა თამაშის პრიქველის მომავალ სეზონს შეუერთდნენ.

ლუსი ბოინტონი

პიტერ მალანი

ბაბუ სისი

შვიდი სამეფოს რაინდის მეორე სეზონი ჯერ კიდევ 2025 წლის ნოემბერში, სერიალის პრემიერამდე დამტკიცდა. მეორე სეზონი მიჰყვება დანკისა და ეგის მეორე წიგნის, შეფიცული რაინდის (The Sworn Sword) სიუჟეტს. ბოინტონი ლედი როანს განასახიერებს, სისი ითამაშებს სერ ბენისის როლს, ხოლო მალანი, სერ იუსტას ოსგრეის. მეორე სეზონში მოქმედება ეშფორდის ტურნირიდან დაახლოებით წელიწადნახევრის შემდეგ ხდება. ვესტეროსში საშინელი გვალვაა, რაც სოციალურ და პოლიტიკურ დაძაბულობას კიდევ უფრო ამწვავებს.

დანკი და ეგი ამჯერად მოხუცი რაინდის, სერ იუსტას ოსგრეის სამსახურში ჩადგებიან. მათ მოუწევთ ჩაებან სახიფათო კონფლიქტში "ცივ ქვრივთან", ლედი როან ვებერთან. დავა, რომელიც ერთი შეხედვით წყლის რესურსებს ეხება, რეალურად ბევრად ღრმაა და "შავი ცეცხლის" (Blackfyre) აჯანყებისდროინდელ ძველ ჭრილობებს უკავშირდება.

დექსტერ სოლ ენსელი (მარცხნივ) ეგის როლში და პიტერ კლაფი დანკის როლში სერიალში შვიდი სამეფოს რაინდი

ფოტო: სტეფან ჰილი / HBO

სერიალს გამოსვლისთანავე კრიტიკოსების დიდი მოწონება შეხვდა, პირველ სეზონს Rotten Tomatoes-ზე კრიტიკოსთა 94%-იანი დადებითი შეფასება აქვს. კლაფერმაც და ანსელმაც თავიანთი შესრულებისთვის ქება დაიმსახურეს, სატახტოთა თამაშის ფანები დადებითად შეხვდნენ შოუს უფრო მცირე მასშტაბის, პიროვნულ სიუჟეტურ ხაზებს. მარტინმა სერიალი ირა პარკერთან ერთად შექმნა და ორივე მათგანი აღმასრულებელი პროდიუსერია. პარკერი, ამავდროულად, შოურანერიც გახლავთ.

მეორე სეზონის პრემიერა HBO-სა და სხვადასხვა წყაროების მიხედვით, 2027 წელს არის მოსალოდნელი.

ასევე ნახეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…