ახალი ინფორმაციით, The White Lotus-ის მე-4 სეზონში მსახიობები — ვენსან კასელი, კორენტენ ფილა და ნადია ტერეშკევიჩი ითამაშებენ.

ისინი შეუერთდებიან მსახიობებს: სანდრა ბერნჰარდს, ჰელენა ბონემ კარტერს, სტივ კუგანს, ქეილებ ჯონტ ედვარდსს, დილან ენისს, არი გრეინორს, მარისა ლონგს, ალექსანდერ ლუდვიგს, კრის მესინასა და ეიჯეი მიჩალკას. HBO-ს განცხადებით, კასთინგის პროცესი ჯერ კიდევ მიმდინარეობს, ახალი მსახიობები კი თანდათან გამოცხადდებიან.

ჰელენა ბონემ კარტერი, მარისა ლონგი და კრის მესინა

ჰელენა ბონემ კარტერი, მარისა ლონგი და კრის მესინა

ფოტო: Hollywood Reporter

სერიალის გასული სეზონები ჰავაიში, იტალიასა და ტაილანდში გადაიღეს, მეოთხე სეზონისთვის კი The White Lotus საფრანგეთისკენ მიემართება. სიუჟეტი სასტუმროს ახალი დამსვენებლებისა და თანამშრომლების ერთკვირიან თავგადასავალზე მოგვიყვება.

ფოტო: CNN

კასტის ახალი წევრების კარიერული გზა:

ვენსან კასელი განსაკუთრებით ცნობილია ფრანგულ ფილმებში მონაწილეობით. ამ ფილმებს შორის არის: La Haine (1995), Irréversible (2002) და Mesrine (2008). რაც შეეხება ინგლისურენოვან ნამუშევრებს, მსახიობი შეგიძლიათ იხილოთ ისეთ ფილმებში, როგორებიცაა: Ocean’s Twelve (2004), Ocean’s Thirteen (2007) და Black Swan (2010).

ვინსენტ კასელი

ვინსენტ კასელი

ფოტო: Playlist

კორენტენ ფილას კარიერა ისეთ ნამუშევრებს მოიცავს, როგორებიცაა ფრანგული ფილმი Being 17 (2016) და ფრანგული სერიალი Escort Boys (2023).

კორენტენ ფილა

კორენტენ ფილა

ფოტო: Brulier

ნადია ტერეშკევიჩმა მთავარი როლები შეასრულა ფრანგულ-იტალიურ ფილმში Forever Young (2022) და იტალიურ ვესტერნში Heads or Tails? (2025).

ნადია ტერეშკევიჩი

ნადია ტერეშკევიჩი

ფოტო: Radio France

The White Lotus-ის შემქმნელი, მწერალი და რეჟისორი მაიკ უაითია, რომელიც დევიდ ბერნადთან და მარკ კამინთან ერთად სერიალის აღმასრულებელი პროდიუსერიცაა.

ასევე იხილეთ: