ზუგდიდის სასამართლომ ვიტალი გუგუჩია, პოსტვ-ის ჟურნალისტ ნათია ბერიძისთვის საქმიანობაში ხელის შეშლის საქმეზე, გაამართლა. გადაწყვეტილება მოსამართლე შოთა ბიჭიამ მიიღო.

2024 წლის 31 მაისს, პროპაგანდისტულ პროსამთავრობო ტელეკომპანია პოსტვ-ის ჟურნალისტი ნათია ბერიძე გირჩი — მეტი თავისუფლების წევრს ვიტალი გოგოჩუა ზუგდიდში გადამღებ ჯგუფთან ერთად სახლში დაადგა, რასაც დაპირისპირება მოჰყვა.

"ტელეკომპანია პოს ტვ-ის სარედაქციო პოლიტიკის მოწინააღმდეგე ვ.გ.-მ ჟურნალისტისა და ოპერატორის მიმართ სიტყვიერი აგრესია გამოხატა, რის შემდგომაც ოპერატორს ფიზიკური შეურაცხყოფა მიაყენა. აღნიშნულის შედეგად, მედიის წარმომადგენლებმა ადგილზე პროფესიული საქმიანობის განხორციელება ვერ შეძლეს" — ვკითხულობთ პროკურატურის ბრალდებაში.

გუგუჩიას ბრალდება სსკ-ის 126-ე მუხლის პირველი ნაწილით (ცემა, რამაც ფიზიკური ტკივილი გამოიწვია) და სსკ-ის 154-ე მუხლის პირველი ნაწილით (ჟურნალისტისათვის პროფესიულ საქმიანობაში უკანონოდ ხელის შეშლა) ჰქონდა წარედენილი, რაც 1 წლამდე პატიმრობას ითვალისწინებდა.

ცნობისთვის, 2024 წლის 29 მაისს ვიტალი გუგუჩიამ და მისმა მეუღლემ სასურსათო მაღაზიაში ფორთოხლის სროლისთვის ბოდიშის მოსახდელად მისული ხალხის ძალის დეპუტატი ვიქტორ ჯაფარიძე უკან გააბრუნეს.

"ფორთოხალი პრობლემა არ არის, თქვენ მომავალი წაგვართვით," — უპასუხა ვიტალი გუგუჩია ვიქტორ ჯაფარიძეს.