ტობიას კრემერი: როდესაც დემოკრატიული უკუსვლის დეფინიციას ვეძებთ, ლექსიკონი აღარ გვჭირდება, უბრალოდ თბილისში ჩაფრენაა საკმარისი

25 Feb. 2026, 16:54

"როდესაც დემოკრატიული უკუსვლის დეფინიციას ვეძებთ, ლექსიკონი აღარ გვჭირდება, უბრალოდ თბილისში ჩაფრენაა საკმარისი.

ქართული ოცნება ყველაფერს აკეთებს საკუთარი ხალხის ევროპული ამბიციების დასაკნინებლად. ისინი რუსეთის გზას ადგანან და საკუთარ თავს პუტინზე დამოკიდებულს ხდიან. მიმაჩნია, რომ ეს მათი მხრიდან გეოპოლიტიკურად ძალიან მოკლე ხედვის სტრატეგიაა, ხოლო ხალხისთვის — საშინელი, რადგან მათ ახლა იმაზე ნაკლები თავისუფლება აქვთ, ვიდრე ოდესმე ჰქონიათ და არ შეუძლიათ თავისუფლად პროტესტი.

ჩვენ გვაქვს ინფორმაცია, რომ ქართულმა ოცნებამ საკუთარი ხალხის წინააღმდეგ დემონსტრაციებისას პირველი მსოფლიო ომისდროინდელი ქიმიური იარაღიც კი გამოიყენა. ეს სრულიად მიუღებელი იქნება, თუკი BBC-ის მიერ გავრცელებული ინფორმაცია დადასტურდება, თუმცა მტკიცებულებები ამაზე მიუთითებს.

ერთადერთი, რაც საქართველოსთან მიმართებით ჯერ კიდევ იმედს იძლევა, ქართველი ხალხია. ეს არის ისეთი ადამიანების სიმამაცე, როგორიცაა მზია ამაღლობელი, რომელსაც სახაროვის პრემია სრულიად სამართლიანად გადავეცით. ესენი არიან ის ადამიანები, რომლებსაც საქართველოში ჩასვლისას ვხვდებით: ისინი, ვინც კვლავ გადიან ქუჩაში, მიუხედავად იმ საფრთხისა, რომლის წინაშეც დგებიან.

ასე რომ, ჩვენ კვლავ გავაგრძელებთ შესწორებების წარდგენას, განსაკუთრებით იმისათვის, რომ ვნახოთ, როგორ შევიმუშაოთ ეფექტური სანქციები ქართული ოცნების მთავრობის წინააღმდეგ ისე, რომ არ დავაზიანოთ საქართველოს მოსახლეობა. ჩვენი პოზიცია მკაფიოა: საქართველო ეკუთვნის ევროპას, ქართული ოცნება კი — არა".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

არარატ მირზოიანი: ჩვენ არ დავთმობთ ჩვენს დამოუკიდებლობას მარწყვის სანაცვლოდ